AYUB 5:2 - WUKE SUSI WATTI'U AL᷊AL᷊USASSA

² Tumba'u ete taumata woddo apan mattate ana waugu asasusan naungnge.

AYUB 5:2 Referans Kwoze

MANNANASE 7:9

Arie tumaniten mal᷊ihakka mandona; tumba'u taumata woddo apan mangngune.

ROMA 2:8

Arawe manga taumata apan tumba'u maṛṛingiddu ririne sassane wuṛṛu maddiri tumuṛṛutta Ruata, ewe'e tuttuṛṛutta al᷊al᷊eo, manga taumata udde lembon aasa'uannu Ruata.

HOSEA 7:11

Israel uapapal᷊ele tawe atanaanne naal᷊ihidda merpati apan woddo. Paarororne manga taumatane naddorongnga sumbala su Mesir, wua'udde i mangitou tinumal᷊angnga ringannu Asyur!

AMSAL 12:16

Amungkangngu taumata woddo umal᷊udda orassa udde lai i tou mamasingkattu taddu'u naungnge; arawe taumata pande tawe pandumme salaiwe i tou al᷊uandahanna.

DARALO 107:17

Piaddu longonna wuṛṛu uatataṛṛangnga ana waugu manga rosan mangitou, wuṛṛu nisansaranna ana waugu pasasal᷊an mangitou.

DARALO 92:6

Aroddi ahewalle manga inolaan-Nu, oh Mawu, aroddi alal᷊umme manga ṛingiran-Nu!

DARALO 75:4

Amungkangu runia umio'a ringannu anambon tumanangnge ete i Ya'u apan manohassa manga diṛṛine.”

DARALO 14:1

Su piaṛṛa'u mangangantari. Daralon Daud. Taumata longonna mabbisara sulal᷊ummu naungnga, “Tawe Duata.” Inolaanni mangitou lal᷊eo wuṛṛu maarantinna taweddu ma'ola'a apapia.

AYUB 18:4

Asasa'unu tumba'u mannansara watangannu. Ṛinonewe hunan hausannu runia awul᷊iannu tumanangnge, wuṛṛu manga wowone iingkatta wuassu tampane?

PANDARIADDI 30:1

Arawe i Rahel taambe lai naasomba ana'a. Ana waugu udde i tou nabbal᷊i uasaseettu iaangnge, ana see nabbisara si Yakub, “I ya'u onggol᷊ewen ana'a, amungkangu tawe, i ya'u sarun mate.”

2 TIMOTIUS 3:6

Pia su wallatti mangitou apan suete sinumutta su manga wal᷊e, see mammono'a manga wawine lome apan anamboanne rosane wuṛṛu paparentannu anambon apulune.

YUNUS 4:9

Arawe Ruata nabbisara si tou, “I'o tawe wotongnge mabbal᷊i aroddi asusane ana waugu sinuananna udde!” Yunus sinumimbakka, “Anio tawe? Suṛṛinone i ya'u masa'u atonna ma'oman sara mate.”

AMSAL 8:5

I yamiu apan taambe natimu asingkatta su pabbiaṛṛanna, pangurumpe tadea'u ṛingirannu maṛṛoro; i yamiu apan longonna, pangurumpe tadea'u maola'a maasunna.

AMSAL 27:3

Watu wuṛṛu anne udde ta'e maṛṛanna, amungkangngu isumandingngu taddu'u naungnga apan niaparantan taumata woddo.

PANDARIADDI 38:9

Arawe i Onan masingkatta manungku manga anangnge sarun tawe maola'a pussaane. Nariaddi, suapan i tou matatamban inawal᷊uannu iaangnge udde, sal᷊ingnge niwalan tou maramme su liudde tadea'u iaangnge tawe maasomba pallaṛṛite.

AMSAL 19:16

Taumata apan tuttuṛṛutta manga parentan Duata sarun masal᷊amatta, taumata apan tawe mangaregane sarun nate.

AMSAL 19:19

Wala'e taumata mal᷊ihakka masa'u maapendamma sassane pangillul᷊eanne. Amungkangngu i'o mantul᷊ungngi tou, i'o tumba'u mannamba asasa'une.