AYUB 5:11 - WUKE SUSI WATTI'U AL᷊AL᷊USASSA

¹¹ Ete i Tou Ruata apan mannanggakku taumata mawawo, wuṛṛu mapal᷊uassu taumata apan lullal᷊o.

AYUB 5:11 Referans Kwoze

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

LUKAS 6:21

Lal᷊umanna'a i yamiu apan mal᷊unussa orassa indi; i yamiu sarun iapaal᷊aidda! Lal᷊umanna'a i yamiu apan lulluai orassa indi; i yamiu sarun lumagge!

YEHEZKIEL 17:24

Al᷊awo'u alu su wanua sarun maasunna manungku ete i Ya'u Mawu. Alu apan al᷊angkasanne Ta'u tuwanganna; alu apan mawawo Ta'u iapatuwo matanggakka. Alu apan mapia ta'u iapaaṛṛagassa; wuṛṛu alu apan naṛṛangu Ta'u onggol᷊annu lal᷊uwo wuṛṛu bungane. I Ya'u, Mawu, buatte nabbisara, al᷊awo'u wisara-U sarun matipussa.”

DARALO 113:7

Taumata asiangnga niwatun-Ne wuassu awu, wuṛṛu taumata susa wuassu leta'a.

DARALO 107:41

Arawe taumata asiangnga nilliu-Ne wuassu asasusan mangitou, amonanni mangitou aatambanna ere ammul᷊annu domba.

TAHIUL᷊E 33:27

Ruata sarangkal᷊o'engnge mabbal᷊i mallal᷊u'addi yamiu, ta'iakku Ruata saran mal᷊annu-l᷊annu ua'ehetta si yamiu. I Tou nallimbuakka seetta wuassu saruannu wuṛṛu i yamiu nirolokka niapapate si mangitou.

YAKOBUS 1:9

Taumatan Saṛṛani apan asiangnga ṛinone lulluassa amungkangngu Ruata manduitti tou.

DARALO 91:14

Unnu Mawu, “Taumata apan mandangngu si Ya'u sarun Ta'u iapasal᷊amatta, apan nanga'u si Ya'u sarun Ta'u lu'aranna.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

AYUB 22:29

Taumata apan mawunga sarun iapawawon Mawu, arawe iapa naungnge mawawo sarun iapasal᷊amatta.

AYUB 36:7

Taumata apan matul᷊idda aellehan-Ne, i mangitou niolang-Nge uataṛṛino ere manga ratu, na'oman sara i mangitou aaddatanna saran mal᷊annu-l᷊annu.

AYUB 8:7

Paa'alanu apan nawul᷊i udde tawe aregane isumandingngu sarangkanambone apan asombangannu.