AYUB 42:10 - WUKE SUSI WATTI'U AL᷊AL᷊USASSA

¹⁰ Wua'udde, napawe i Ayub niumal᷊iomannu siri tallu hawene, Mawu na'ola'a si tou naala apia wuṛṛu nangonggolla si tou paarua anambone wuassu anambon pussa'ane dorone.

AYUB 42:10 Referans Kwoze

TAHIUL᷊E 30:3

ne Mawu Ruatanu sarun umakkanni yamiu. I yamiu sarun iapiddi Tou mabelengnga wuassu manga walahanna suapa i yamiu nisal᷊iawukka wuṛṛu iapawiakka su lal᷊umanna'a apia.

YESAYA 40:2

Paatammudde naungngu taumatan Yerusalem, pasingkata'e manungku patataṛṛualange nasuete. Pasasal᷊a mangitou buatte Ta'u niampunganna, manga rosa mangitou buatte Ta'u niṛṛuumanna paarua.”

YESAYA 61:7

Ana waugu i yamiu naasombate asasili paarua lappuanna, wuṛṛu luhudda wuṛṛu aal᷊uandaga naola'e wageangnge, ne i yamiu sarun maasomba pussa'a paarua lappuanna lai su wanuanu wuṛṛu uatahuanna al᷊al᷊uassa tutune.

AMSAL 22:4

Taumata apan ma'imanna Mawu wuṛṛu sussallungngu watanganne, sarun su lal᷊umanna'a, mal᷊uassa wuṛṛu aaddatanna.

DARALO 14:7

Antimanna wuassu Sion rumanta asasal᷊amattu Israel! Ne pallal᷊awanni Yakub sarun lumuassa napawe mangapia apia ola'u wiakku al᷊aṛṛanang-Nge.

DARALO 126:1

Aantarin patatembo. Napawe Mawu nanul᷊en ola'u Yerusalem, i ite naal᷊ihidda nabbal᷊iawa!

WATTI'U MANGA RASUL 7:50

Wal᷊inewe i Ya'u sassane nandiaddi sarangkanambone udde?’ ere udde wisaran Ruata.

AYUB 1:3

Wua'udde lai i tou uatahuanna manambo allangnga, 7.000 domba, 3.000 unta, 1.000 sapi wuṛṛu 500 keledai. Aunne, ete i tou taumata apan aalanne su wallattu tumanangnge su samba'a Ra'i.

HAGAI 2:8

Al᷊awo'u wul᷊awanna wuṛṛu sal᷊a'a su runia indi udde pussa'a-Ku.

TAHIUL᷊E 9:20

Mawu lai mangke nasa'u atonna si Harun na'oman sara i Tou lai pateante, ne i ya'u niumal᷊iomanni tou lai.

REENGANNA 12:13

Ne i Musa sinumal᷊andete Mawu, “Oh Mawu, i ya'u sumal᷊ande, paapiaawe i tou!”

REENGANNA 12:2

Unni tarua, “Apa tumba'u wuassi Musa Mawu nabbisara? Wal᷊inewe wuassi ite lai i tou mabbisara?” Mawu naddaringikka sarangkanambone apan niwisaran tarua.

WATTI'U MANGA RASUL 7:60

See i tou inumal᷊intuda wuṛṛu inumui ringannu tingikka ma'ikkatta, “Mawu, ariewe rosa indi maola'a winabbawa mangitou!” Napawe wua nabbisara aroddi i tou nate.

2 TAWARIKH 25:9

“Arawe ereapa ringannu anambon sal᷊a'a apan buatte ta'u nionggola si mangitou?” aiwal᷊on Amazia. Nabi udde sinumimbakka, “Mawu wotongnge mamelengnga mannamboanna lai wua isudde!”

LUKAS 16:27

‘Amungkangngu aroddi, Iamangnga,’ wisaran taumata ala udde, ‘i ya'u sumal᷊ande su Iamangnga tadea'u mandolokki Lazarus watukku wal᷊en iamangku.

1 SAMUEL 2:7

Pia taumata apan niolang-Nge asiangnga, piaddu lai apan niolang-Nge ala. Pia taumata apan niapaawawo-Ne, piaddu lai niapaatanggakku Mawu.

TAHIUL᷊E 8:18

Naunge manungku tumba'u Mawu Ruatanu apan mangonggolu paa'ala udde si yamiu. Olangnge udde niola'i Tou ana waugu na'oman sara allo indi i Tou ta'e uaagassa su pa'aire apan niolangnge-Nge ringannu iupungngu al᷊amonanu.

PANDARIADDI 20:17

Mawu buatte napatinnan anambon bawine su wal᷊en araratuanni Abimelekh ana waugu arariadianna si Sara, awingngi Abraham udde. Ana see i Abraham niumal᷊iomanna su Ruata, wuṛṛu Ruata napaapian Abimelekh, awingnge wuṛṛu manga allangnge wawine, na'oman sara manga wawine udde wotongnge mapangunsiwe apia.

REENGANNA 14:10

Tumanangnge sarangkanambone mammansaga manuntungngu watu si mangitou ma'oman sara mate. Arawe inaṛṛombanganne manga taumata udde naasilo semakku Mawu lullendappa sinumabangnga wuassu Rasan-Ne.

DARALO 53:6

Taumata lal᷊eo sarun lembon maatta'utta, sumbal᷊i taweddu mata'utta si mangitou, ana waugu Ruata nanal᷊iawukku duṛṛin taumata apan namangalo si yamiu; i mangitou nita'en Duata, ne i yamiu sarun mamaddon mangitou.

YAKOBUS 5:11

I mangitou nisaggo su lal᷊umanna'a ana waugu i mangitou masabare. I yamiu suete naaringikka su ola'u asasabaren Ayub, wuṛṛu i yamiu masingkata lai ereapa panginsueanne Mawu nangal᷊amatta si tou. Ana waugu Mawu lembon marangngu wuṛṛu naung-Nge mapia.

1 SAMUEL 2:8

Wuassu asasusa Mawu namatunna taumata tawe darotongnge, wuassu asasahadda Mawu namallossu taumata lal᷊ebbone. I mangitou niola'a hawe manga ma'ala, wuṛṛu nionggol᷊annu manara apan a'addatanna. Rapappakku runia tatahuanannu Mawu, su wowone Mawu napararisikku runia.

AYUB 1:2

I tou uatahuanna siri pitu ana'a esakka wuṛṛu siri tallu ana'a wawine.

AYUB 42:9

I Elifas, I Bildad wuṛṛu i Zofar tinumuṛṛutta apa apan nirolokku Mawu, wuṛṛu Mawu naddaringikka aal᷊iomanni Ayub.