AYUB 4:9 - WUKE SUSI WATTI'U AL᷊AL᷊USASSA

⁹ Naal᷊ihidda tandi'a, etearoddi asasa'un Duata namate si mangitou na'oman sara nasue!

AYUB 4:9 Referans Kwoze

AYUB 15:30

I tou sarun tawe maal᷊iu wuassu ararandumma; putungnga sarun manutungnga manga sollane. I tou sarun masue ṛatangannu singangu wuassu moṛṛongngu Ruata.

2 TESALONIKA 2:8

wakkute udde asiloante Taumata Lal᷊eo udde. Napawe Mawu Yesus rumantate, i Tou sarun mamate Taumata Lal᷊eo udde ringannu singangu wuassu moṛṛo-Nge, wuṛṛu mamate si tou ringannu asasemakku daranta-Ne.

YESAYA 30:33

Ro'en dorone buatte niriahi tampa panutunganna si ratun Asyur. Tampa udde mal᷊al᷊umma wuṛṛu mal᷊alakka, loṛṛone alum putungnga apan ua'ombo. Mawu sarun makkenggamma ringannu maniuppu singangu-Ne apan naal᷊ihidda sal᷊ukku belerangnga.

YESAYA 11:4

Taumata asiangnga ṛuunganne ringannu matul᷊idda, taumata lome sasamba'anne ringannu atonna; taumata nassal᷊a iṛṛuumanna wuassu parentane, taumata lal᷊eo radda'anne.

SONDAPPA 2:16

Ana waugu udde, awal᷊ute wuassu manga rosanu! Amungkangu tawe, tate mal᷊annu lai Ya'u sarun rumanta ringanni yamiu wuṛṛu mamangalo manga taumata udde ringannu hal᷊ele apan uaraddo su moṛṛong-Ku.

DARALO 18:15

I Tou namiti'u manga anaan-Ne wuṛṛu nanal᷊iawukku seetta; I Tou na'ola'a sawallo masokka-sokka wuṛṛu na'ola'a i mangitou tinumal᷊angnga.

AYUB 40:13

Labbinga'e i mangitou sarangkanambone sulal᷊ummu awu; taṛṛoa'e i mangitou su runian taumata nate.

AYUB 1:19

Inaṛṛombanganne anginna al᷊isusu tinumiuppa wuassu wadda'a wuṛṛu naṛṛa'an bal᷊e udde wuṛṛu naapate anambon ana'i Tuangnga. Tumba'u allangngu apan naal᷊asso'a na'oman sara wotongnge nabbatti'a si Tuangnga.”

2 MARARATU 19:7

Mawu sarun ma'ola'a ratun Asyur mangimanna watti'u manu'u salleanna ma'oman sara i tou mabelenga watukku wanuane sassane, wuṛṛu poiaroddi i tou sarun pateanna.”

SASABANGNGA 15:10

Arawe Mawu ringannu paassa sumangngo nandantan allo ma'asusa su Mesir. I mangitou nilumakkuba naal᷊ihidda tima apan mawakkata sulal᷊ummu lua'a apan matandi'a.

SASABANGNGA 15:8

I'o nattiuppa tahal᷊oangnga, ua'e mallul᷊unna matanggakka, uarisikka matul᷊idda naal᷊ihidda darandungnga, na'oman sara wantan tahal᷊oangnga wotongnge amatanna.

AYUB 40:11

Pa'ellege si mangitou apan matanggakka naungnge; sopa'e asasa'unu wuṛṛu bawoa'e i mangitou.

YESAYA 40:7

Wal᷊abbukka nabbal᷊i mamara wuṛṛu bunga tinumolangnga, napawe Mawu nattiuppu anginna mal᷊oso. Atonna, walahanna udde naal᷊ihidda wal᷊abbukka.