AYUB 4:17 - WUKE SUSI WATTI'U AL᷊AL᷊USASSA

¹⁷ ‘Wotongngewe taumata tawe sal᷊ane su saruannu Ruata? Wotongngewe i tou tawe sangkulle su saruannu Mandariadine?

AYUB 4:17 Referans Kwoze

AYUB 25:4

Wotongngewe taumata na'ukkassa su matan Duata? Wotongngewe i tou waresi su aellegu Mawu?

MANNANASE 7:20

Su runia indi tawe sangkatou taumata apan nasuungnga; taweddu sidutu apan ma'ola'a apapia wuṛṛu tawe saran paassa na'ola'a rosa.

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

DARALO 143:2

I ya'u indi allang-Ngu, ariewe i ya'u ṛuunganna, ana waugu tawe taumata apan tawe sal᷊ane su saruan-Nu.

SONDAPPA 4:8

Siri appata riadianna udde, sambau-sambau pia papaidde annuma, wuṛṛu su ahewallu wadange, wuṛṛu sulal᷊umme napene mata. Allo ṛabbi manga riadianna udde tawe illol᷊one mangngantari, “Susi, susi, susi arannu Mawu, Ruata Lembon Taṛṛino; apan nirumanta, suete nirumanta, wuṛṛu nirumantate sarangkal᷊o'engnge.”

ROMA 9:20

Arawe, tuṛṛangnga! Tuṛṛangnga tumba'u sangkatou taumata. Wuṛṛu tuṛṛangnga tawe waṛṛani sumimbakka Ruata! Wotongngewe tampan bunga maiwal᷊o, isai taumata na'ola'a si tou, “Anio i'o na'ola'a si ya'u arendi?”

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

YEREMIA 12:1

“Amungkangngu i ya'u mangapiddu hatto'u su saruan-Nu, oh Mawu, isudde mangke asingkatanna manungku ete I'o apan atonna. Arawe i ya'u mappulu lai ma'iwal᷊o Si'o su ola'u atatul᷊idda; Anio taumata lal᷊eo mabbal᷊i su lal᷊umanna'a? Anio ewe'e taumata taṛṛa linga mabbal᷊i ala?

DARALO 145:17

Mawu matul᷊idda sulal᷊ummu al᷊awo'u manara-Ne wuṛṛu napenen darangngu sulal᷊ummu al᷊awo'u inolaan-Ne.

AYUB 40:8

Apa i ya'u massinaaddu atatul᷊i-U, wuṛṛu mapaaṛṛinon watangannu ringannu mapasal᷊a-U?

AYUB 35:10

Arawe wal᷊ine su Ruata, Mandariaddine apan mangngonggollu antimma sutempo i ite massusa,

AYUB 15:14

Wotongne taumata mangke tawe sal᷊ane? Wotongngewe i tou iapaṛṛino su saruanna Ruata?

AYUB 14:4

Wotongngewe taumata apan marosa mandantan inolaanna apan nasuungnga?

AYUB 8:3

Ruata mangke tawe mamengkollu atatul᷊idda; mangke taweddu mariaddi manahekku ṛinone.

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

AYUB 4:16

Sambau paṛṛissu taumata uarisikka su saruangku; tattutuṛṛangku, arawe i tou awaganangku. Ana see i ya'u naaringikka tingikku wisara namaṛṛindu'a sutempo apan mal᷊annabba,

AYUB 31:15

Wal᷊inewe Ruata apan nandiaddi si ya'u, nandiaddi lai manga allangku udde?

AYUB 32:22

Ola'u ereapa maddalo, i ya'u lai wagga, wuṛṛu unnuwisara udde olaangku, Ruata sarun mal᷊ihakka makkuumangku.

AYUB 36:3

Asingka'u mal᷊alangnga; udde sarun ta'u ipaatta ipattiala manungku Manddariadi'u matul᷊idda.