AYUB 38:5 - WUKE SUSI WATTI'U AL᷊AL᷊USASSA

⁵ Isaite apan manantunnu ahewallu runia? Isaite namataddu tal᷊i pinanguukka si tou? I'o masingkattu sasimbakke?

AYUB 38:5 Referans Kwoze

YESAYA 40:12

Isai mannupa'u tahal᷊oangnga ringannu pal᷊addu limane, ara'e nanguukka winalanganna ringannu rangone? Isai mannupa'u leta'a runia ringannu sasupa'a ara'e mannimbangu wowone wuṛṛu wuidda ringannu tatimbanganna?

AYUB 11:9

Taṛṛinon Duata maggewal᷊anna wuassu talloara, wuṛṛu mallal᷊aṛṛanna wuassu laudda mal᷊alangnga.

2 KORINTUS 10:16

Ringannu aroddi yami wotongnge lai mabbatti'u Watti'u Al᷊al᷊uassa udde su manga soa waine ringannu tawe mamarabunga manaran kami apan suete niola'a su tampa pamanarannu taumata waine.

YESAYA 40:22

Iapa nandiadi uaṛṛamba'a roso su al᷊imboin dunia, tumanangnge a'asiloanna maraddio'a ere taṛṛangassa. I tou namilattu langitta ere mal᷊aṛṛenessa, wuṛṛu namasen langitta naola'a ere rasanna apan atanaanna.

YESAYA 34:11

Manu'a tamingnga wuṛṛu landak sarun mamanua isudde, mammeo wuṛṛu gagak sarun matana'a poiaroddi. Mawu sarun ma'ola'a leta'a udde al᷊iba'ukka wuṛṛu tawe loṛṛone ere taambe niriaddi paarorone.

AMSAL 8:27

I ya'u ua'ellega sutempo langitta niwilatta, wuṛṛu winalanganna niattingnga su wowon tahal᷊oangnga,

DARALO 78:55

Su saruannu al᷊aṛṛanang-Nge i Tou nallimbuakka tumana'a isudde ana see i Tou nattahia wanua udde su anambon ṛuangannu walahannu Israel, al᷊aṛṛanang-Nge, na'oman sara i mangitou napamanua su manga rasannu seetta.

DARALO 19:4

Taweddu mabbisara ara'e maggahatto, tawe tingikka apan aringiṛṛanna.

AYUB 28:25

Sutempo i Tou nangonggollu auatanna su anginna, wuṛṛu i Tou nanantunnu manga passarannu tahal᷊oangnga;

AMSAL 8:29

sutempo i Tou namarenta ua'en tahal᷊oangnga tadea'u imbaṛṛangnga lumewessa manga passaranne. I ya'u lai isudde sutempo apampakku runia niwilan-Ne.

AYUB 34:13

Ete wuassi sai Ruata nanengkamma taṛṛino-Ne? Isai apan nanantillu runia indi si Tou?

1 SAMUEL 2:8

Wuassu asasusa Mawu namatunna taumata tawe darotongnge, wuassu asasahadda Mawu namallossu taumata lal᷊ebbone. I mangitou niola'a hawe manga ma'ala, wuṛṛu nionggol᷊annu manara apan a'addatanna. Rapappakku runia tatahuanannu Mawu, su wowone Mawu napararisikku runia.