AYUB 38:35 - WUKE SUSI WATTI'U AL᷊AL᷊USASSA

³⁵ Wuṛṛu i'o mandolokku manga sawallo ma'ilatta, apa i mangitou rumanta wuṛṛu mabbisara, “I ya'u, Tua!”?

AYUB 38:35 Referans Kwoze

YESAYA 65:1

Mawu nabbisara, “Ya'u nasaddiate sumimbakka uma-U, arawe i mangitou tawe umal᷊iomanna si Ya'u. Ya'u uasaddia paisasombanni mangitou, arawe i mangitou tawe maddea'a si Ya'u. Walahanna udde maddiri mamaggo si Ya'u, salaiwe i Ya'u nasaddiate sumimbakka: i Ya'u indite!

YESAYA 6:8

Ana see i ya'u naaringikka tingikku Mawu nabbisara, “Isai apan Ta'u irolokka? Isai apan sarun maola'a mangangapiddu watti'i ite?” I ya'u sinumimbakka, “Indi i ya'u. Doloṛṛa'e i ya'u!”

AYUB 37:3

Su ahewallu langitta i Tou namallossu sawallo-Ne; i Tou nandolokku sawallo-Ne watukku pentakku runia.

AYUB 36:32

I Tou mannametta inassa ringannu lima-Ne wuṛṛu nandolokka mangametta apan tattuddan-Ne.

2 MARARATU 1:14

Ruan katou tembonannu tantara ara'e perwira waine suadio'a ringannu tantaran mangitou nate niepoddu putungnga wuassu langitta, arawe i ya'u sumal᷊ande, akkanaawe i ya'u!”

2 MARARATU 1:10

“Amungkangu i ya'u indi atonna allangu Ruata,” sasimbakki Elia, “ṛinone putungnga sumossokka wuassu langitta wuṛṛu manutungnga si'o see lai anambon mallal᷊aṛṛenggenu ma'oman sara masue!” Orassa udde lai sinumossokke putungnga wuṛṛu nanutungnga tembonannu tantara udde see lai siri liman pul᷊o su atoune tantarane.

1 SAMUEL 22:12

i Saul nabbisara si Ahimelekh, “Paddaringikka, ei ana'i Ahitub!” I tou sinumimbakka, “Ore, Tuangnga.”

REENGANNA 16:35

Ana see Mawu nandantan putungnga nanoṛṛobba 250 su atoune apan nangonggolu sasamba amania udde.

REENGANNA 11:1

Su sambau allo walahanna udde manattakke sussal᷊iomanna su Mawu su ola'u asasusa mangitou. Naaringikka manga sasal᷊iomanna udde, Mawu nasa'u wuṛṛu nandantan putungnga si mangitou. Putungnga udde nilumewa su wallati mangitou wuṛṛu nanutungnga sambageanganna wuassu paddasananna.

IMAMATTA 10:2

Ne Mawu nandantan putungnga apan nanutungnga sitarua na'oman sara nate su Rasannu Mawu.

SASABANGNGA 9:29

Wisara i Musa su ratu, “Tawe mal᷊annu napawe i ya'u su liudden soa, i ya'u sarun mamatten lima umal᷊iomanna su Mawu. Rallu'a sarun umaddo wuṛṛu uranna masunge sarun mawaessa, tadea'u i Tuangku masingkatta manungku runia indi tatahuanannu Mawu.