AYUB 38:20 - WUKE SUSI WATTI'U AL᷊AL᷊USASSA

²⁰ Wotongngewe i'o manantunnu passarannu ararandumma wuṛṛu asasemakka? ara'e wotongnge mandolokki mangitou iapapul᷊e napawe nirumantate?

AYUB 38:20 Referans Kwoze

AYUB 26:10

I Tou nangngambaru harissa mal᷊imbulunna uaal᷊ungnga tahal᷊oangnga tadea'u ipaṛṛaen asasemakka wuassu ararandumma.

PANDARIADDI 23:17

Etearoddi wawail᷊anni Efron su Makhpela su samba'an da'i Mamre, naola'e pussa'an Abraham. Leta'a udde sulal᷊ummete wailla wuṛṛu liangnge see lai anambon manga aaluanna nasutta lai manga aaluanna su passaranne.

PANDARIADDI 10:19

na'oman sara manga passarannu wanua i mangitou niatambanna wuassu Sidon watukku timukka mattudan Gerar, maddatingngu maranin Gaza, wuṛṛu watukku ra'i mattudan Sodom, Gomora, Adma wuṛṛu Zeboim, maddatingngu maranin Lasa.

AYUB 38:19

Masingkattawe i'o wuassuapa darantane asasemakka, wuṛṛu suapa ṛinone punnu ararandumma?