AYUB 35:14 - WUKE SUSI WATTI'U AL᷊AL᷊USASSA

¹⁴ Ayub, nangillembote lai amungkangngu i'o mabbisara manungku tawe naasilo si Tou, manungku hattonu uddete su saruan-Ne wuṛṛu i'o uaṛṛaddo si Tou!

AYUB 35:14 Referans Kwoze

AYUB 9:11

I Tou sinumabbi su saruangku, arawe tawe niasiloangku; I Tou niumamatta su sandiṛṛangku, arawe nilumiatta'a si ya'u.

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

YESAYA 50:10

Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

DARALO 97:2

I Tou papal᷊iwutannu winabbawa wuṛṛu ararandumma; atatul᷊idda wuṛṛu tita uddewe sasariannu araratuan-Ne.

DARALO 62:8

Ete i Tou Ruata apan nangonggolu asasal᷊amatta wuṛṛu aaddata si ya'u, ete i Tou pattillumangku wuṛṛu mananahe'u apan matohassa.

DARALO 62:5

I yamiu tumba'u pia pandumma mangema'i tou, wuassu aiananne apan matanggakka. I yamiu apulune mangngawusu; ringannu moṛongngu i yamiu mangngal᷊amatta, arawe sulal᷊ummu naungngi yamiu mammontoga.

AYUB 23:3

Ah, addonganne i ya'u masingkaku tampa atatanaan-Ne, tadea'u i ya'u wotongnge inai maisasomban Tou.

AYUB 19:7

I ya'u mabbinsolokka ana waugu araṛṛagin-Ne udde, arawe tawe saran sangkatou apan ma'ellega si ya'u. “Suapa atatul᷊idda,” aintul᷊i'u, arawe tawe saran sangkatou apan maddaringikka si ya'u.

AYUB 9:19

Ṛinonewe i ya'u mabbawul᷊on Tou? Arawe pa'ellega, tawe sul᷊ungnge auatan-Ne! Unnuwisara si Tou i ya'u mangalaen Tou, isai waṛṛani mamaggo si Tou su pallaṛṛuunganna?

AYUB 31:35

Apa tawe taumata apan maapulu maddaringikka manga wisara'u? I ya'u massalu manungku naṛṛinote sarangkanambone udde. Antimanna Apan Lembontaṛṛino sumimbakka si ya'u. Unnuwisara aalaen seetta si watangangku mawoṛṛetta abbi ma'oman sara i ya'u lai maasilo,

AYUB 35:15

Su sunnanu Ruata tawe makkuumanna wuṛṛu tawe manutukka pallal᷊awangnga.

DARALO 37:7

Ṛaddoite Mawu ringannu naungnga matammuda, ṛaddoite ringannu asasabare ma'oman sara i Tou mammanara. Arie suminggawanga su taumata apan napantaingu wiakke, ara'e iapa manarane mammahia.

YESAYA 8:17

Mawu buatte namunin batangan-Ne wuassu pallaṛṛiten Yakub, uman-Ne, arawe i ya'u mangngimanna wuṛṛu uaantimma si Tou.

LAL᷊ALLU 3:58

I'o nirumanta manahekku hatto'u, oh Mawu, niawa'u I'o buatte nanal᷊amatta.