AYUB 34:22 - WUKE SUSI WATTI'U AL᷊AL᷊USASSA

²² Tawe ararandumma, salaiwe wasa tuudda, apan wotongnge mapamunin taumata marosa.

AYUB 34:22 Referans Kwoze

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

AMSAL 10:29

Mawu ual᷊u'adda taumata matul᷊idda, arawe mammate taumata inolaanne lal᷊eo.

YEREMIA 23:24

Tawe saran sangkatou apan botongnge mamunin batanganne wuassu aelle-U, ana waugu i Ya'u isudde su anambon tampa: su surga wuṛṛu su runia.

AYUB 3:5

Olaawe allo udde ma'itumma uarallamma, wasa tuudda, mal᷊abbukka wuṛṛu mawol᷊a; oopeten winabbawa wuṛṛu rallamma, lindumete wuassu semakku matannallo.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

LUKAS 13:27

Arawe Tuanga udde sarun mabbisara apia, ‘I ya'u wagga i yamiu wuassuapa. Passal᷊iu wua isindi, yamiu apan na'ola'a al᷊al᷊eo!’

MATIUS 7:23

Arawe i Ya'u sarun sumimbakka, ‘I Ya'u taambe saran paassa naaillal᷊a si yamiu! Roote paarau wua isindi, yamiu apan ma'ola'a al᷊al᷊eo!’ ”

YESAYA 29:15

Nasilakate taumata apan mattinsahadda mammunin hol᷊age su Mawu! I mangitou ma'inolaanna ringannu mal᷊anna-l᷊annabba, wuṛṛu massunna manungku tawe saran sangkatou apan ua'ellega ara'e masingkattu inolaanni mangitou.

YESAYA 9:2

Mawu, I'o nangonggolla si mangitou al᷊al᷊uassa apan bahewalla, I'o na'ola'a si mangitou huggio. I mangitou lullala'a ana waugu apapia-Nu, naal᷊ihidda taumata apan lulluassa sutempo mangitingnga, ara'e mattahia ul᷊e niaaṛṛo.

DARALO 5:5

I'o Ruata apan maddirin al᷊al᷊eo; taumata lal᷊eo imbaṛangnga mattindaho ringan-Nu.

AYUB 31:3

Silaka wuṛṛu asasusa sarun iaparantan Mawu su taumata apan ma'ola'a al᷊al᷊eo!

AYUB 24:17

Si tou, ruaallo tumaniten maata'utta, arawe wasa tuudda, maal᷊uassa.”

AYUB 3:13

Unnuwisara sutempo udde i ya'u nate, ne i ya'u mattiilla wuṛṛu mangillol᷊o ringannu matammudda,

AYUB 10:21

Tate mal᷊annu lai i ya'u inaite wuṛṛu tate mabbelengnga apia, mattuddan banua apan marandumma wuṛṛu tumaniten mal᷊abbukka,

AYUB 11:20

Arawe taumata lal᷊eo sarun ma'ellega ringannu u'al᷊iwu, waugu i mangitou tawe aontolla. Tumba'u sambau antimmi mangitou eteudde papate paal᷊ihakke rumanta.”

AYUB 38:17

Buattewe pia taumata nanta'e si'o ngara wahewalla su saruannu runian papate apan marandu-randumma?

2 SAMUEL 12:12

I'o buatte na'ola'a rosa ringannu mal᷊anna-l᷊annabba, arawe i Ya'u sarun mapal᷊iatta'u wawansa-U ringannu matualaga su saruannu anambon taumatan Israel.’ ”

AYUB 10:14

I'o ual᷊u'adda si ya'u tadea'u tawe ma'ola'a pasasal᷊a tadea'u wotongnge ito'e-Nu tawe ampunganna.

AYUB 12:22

Nisemaṛṛan-Ne manga tampa apan uawuṛṛau, nisemaṛṛan-Ne manga lintau apan marandumma.

AYUB 22:13

Arawe i'o naiwal᷊o, “I Tou masingkattu apa? I Tou su samba'an binabbawa wuṛṛu tate mappakuungngi ite.”

YEREMIA 16:17

I Ya'u naasilo al᷊awo'a apan a'olaanni mangitou. Taweddu uawuni si Ya'u; manga rosan mangitou lai buatte niasiloang-Ku.