AYUB 34:11 - WUKE SUSI WATTI'U AL᷊AL᷊USASSA

¹¹ I Tou manggesekka taumata uasul᷊ungngu inolaanne, makkungnga si tou uasul᷊ungngu pallal᷊aghune.

AYUB 34:11 Referans Kwoze

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

SONDAPPA 22:12

“Panutukke indi” wisara Mawu Yesus, “Tate mal᷊annu lai I ya'u sarun rumanta ringannu uaapiddu lal᷊antakke ipabbal᷊issa al᷊awo'u taumata tumuṛṛuttu inolaannu sambau-sambau.

ROMA 2:6

Ana waugu Ruata sarun mabal᷊issa anambon taumata uassul᷊ungngu inolaanne.

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

YEREMIA 32:19

Manga ṛiin-Nu tawe sul᷊ungnge, wuṛṛu manga inolaannu maatiangnga; I'o maasilo al᷊awo'a apan a'olaanu taumata, wuṛṛu mabbal᷊issa si mangitou uasul᷊ungngu inolaanni mangitou.

DARALO 62:12

Paapirate i ya'u naaringikka Ruata mabbisara manungku taṛṛino darantane wuassi Tou,

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.

AMSAL 24:12

I'o wotongnge mabbisara, “Udde wal᷊ine manara'u.” Arawe Ruata ual᷊u'adda si'o. I tou masingkatta wuṛṛu makkungnga ṛingirannu. I tou mabbal᷊issa taumata tumuṛṛuttu inolaanne.

AMSAL 1:31

Ana waugu udde, i yamiu sarun maapendamma pangillul᷊eannu manga inolaannu wuṛṛu manga hol᷊agu apan dal᷊eo.

AYUB 33:26

Napawe i tou umal᷊iomanna, Ruata sarun umakkanne, ne i tou sarun maddalo Ruata ringannu lullala'a wuṛṛu Ruata sarun mamelengngu lal᷊umannangnge.

AYUB 34:25

Ana waugu, i Tou masingkattu inolaanni mangitou; ne i Tou nanal᷊inggi wuṛṛu nakkimunsa'a si mangitou sutempo ṛabbi.

AMSAL 12:14

Suapan taumata maasomba lal᷊antakku manga wisara wuṛṛu inolaanne; sangkatou-sangkatou onggol᷊annu wawal᷊inne ere buatte niolangnge.

YESAYA 59:18

I tou nabbal᷊issa manga seen-Ne uasul᷊ungngu inolaanni mangitou. Ewe'e lai manga araratuanna su manga taṛṛanusa apan marau tawe mal᷊iudda wuassu ṛuuman-Ne.

1 SAMUEL 26:23

Mawu sarun mangal᷊amatta suapan taumata apan satia wuṛṛu matul᷊idda. Ana waugu salaiwe su allo indi Mawu nanantilli Tuangku su allangngu, arawe allangngu maddiri ma'ola'a al᷊al᷊eo su saruanni Tuangnga, ratu nipilen Mawu.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

YEHEZKIEL 18:13

I tou napawallassa ringannu bungane. Apa taumata aroddi wotonge mabbiakka? Tawe! I tou buatte na'ola'a anambon inolaanna apan ma'arantinna udde, wuṛṛu i tou sarun mate! Papatene eteudde pangillul᷊eannu inolaanne sassane.