AYUB 33:24 - WUKE SUSI WATTI'U AL᷊AL᷊USASSA

²⁴ Ringannu u'akkanna mala'ekatta udde sarun mabbisara, ‘Pallosa'e i tou, tawe wotongnge i tou sumossokka su runian taumata nate. Indite roitta tatubbunne, tadea'u i tou mapallossa apia.’

AYUB 33:24 Referans Kwoze

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

AYUB 33:18

Tawe niwala-Ne i mangitou maapendamma papate; niluaran-Ne i mangitou wuassu papate.

1 TIMOTIUS 2:6

I Tou sangkatou taumata apan suete nanantillu watangan-Ne ipamallosu anambon taumata wuassu manga rosa mangitou. Ringannu udde Ruata napaal᷊iatta'a su tempo apan na'etta'a, manungku i Tou maapulu tadea'u anambon taumata masal᷊amatta.

ZAKARIA 9:11

Mawu nabbisara su uman-Ne, “Ringannu paaire apan Ta'u niola'a si yamiu, paaire apan nitialanu daṛṛan sasamba, sarun Ta'u ipallossa tumanangngu apan uatataṛṛangnga sulal᷊ummu pamamuanganna naal᷊ihidda taumata apan uataṛṛo sulal᷊ummu paṛṛihi mamara.

HOSEA 14:4

Asyur tawe mapanal᷊amatta si yami, wuṛṛu awal᷊on pangalo tawe maaontolla si yami. I yami tate lai maggahatton manga paal᷊uanna apan niola'i yami sassane manungku i mangitou Ruatan kami. Oh Mawu, I'o niumakkannu manga taumata apan tawe uatahuanna sisai-sai apan wotongnge ipangasakki mangitou.”

AYUB 22:21

Ne, Ayub, paddameten Mawu, tadea'u i'o maasomba atatammudda. Amungkangngu udde olaannu, i'o sarun maasomba auntunganna.

SASABANGNGA 33:19

Sasimbakku Mawu, “I Ya'u sarun sumabbi ringannu al᷊awo'u awawantu-U su saruannu, lapiddu managgon arang-Ku apan susi. Ete i Ya'u Mawu, wuṛṛu i Ya'u mapal᷊iatta'u darangngun naungnga wuṛṛu aakkanna su manga taumata apan Ta'u nipile.

YEREMIA 31:20

Israel, i'o ana'a arangnguang-Ku, ana'a iaakkanna, tatuno naung-Ku. Suapawe i Ya'u mamakkamma si'o i Ya'u sidutu uanaungnga si'o ringannu ṛintulu. I'o sarun Ta'u olaanna ringannu ahewallu tatal᷊antuppa.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

DARALO 86:13

Ana waugu I'o sidutu mandangngu si ya'u ringannu darangngu apan wahewalla, I'o buatte namallossu niawa'u wuassu loṛangngu labbinga.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

DARALO 71:3

Ariaditewe si ya'u ere wowone watu tampa'u uatana'a, apan sidutu mal᷊uassa pattudanne. Ana waugu I'o buatte nakkawessa manal᷊amatta si ya'u, Ete I'o tampa i ya'u uatillumma wuṛṛu uasirungnga.

DARALO 40:2

Ringannu sabare i ya'u uaṛṛaddo sasumbalan Mawu; ana see i Tou na'ellega si ya'u wuṛṛu naddaringikka sasal᷊ande'u.

DARALO 22:4

Arawe I'o Ratu Apan Lembonsusi, apan sidutu raddaloannu Israel.

AYUB 36:18

Paatehammawe, ariewe i'o aawusuannu roitta aonggolla; arie i'o awal᷊intongannu paa'ala.

HOSEA 14:2

Pabbelengke ringannu Mawu Ruatanu, ei walahannu Israel! Rosanu buatte naaola'a si yamiu mattambal᷊ioso wuṛṛu nanawo.

AYUB 33:25

Waddangnge sarun maola'a matohassa ma'uatta ere taumata saṛṛentumuwo.

AYUB 33:28

Ruata naninga'u inai su runian taumata nate, na'oman sara i ya'u ta'e wiakka naddatingngu orassa indi.

DARALO 107:20

I Tou napaapian mangitou ringannu parenta-Ne, wuṛṛu nalliun mangitou wuassu loṛṛangngu labbinga.

YESAYA 53:5

Arawe i tou nilessa ana waugu manga rosan kite, wuṛṛu nipuulla ana waugu al᷊al᷊eo kite. I Tou niṛṛuumanna tadea'u i ite masal᷊amatta, ana waugu manga apapiane i ite niapa'apia.