AYUB 32:8 - WUKE SUSI WATTI'U AL᷊AL᷊USASSA

⁸ Arawe apan nangonggollu asingkatta su taumata, tumba'u Ghaṛṛahon Duata Apan Lembontaṛṛino.

AYUB 32:8 Referans Kwoze

AYUB 38:36

Wuassi sai manu'a waṛṛoa masingkattu tingngera Sal᷊ukku Nil ṛumammo? Isai namasingkatta manu'a tarau manungku uranna rumantate?

AYUB 33:4

Ghaṛṛahon Duata buatte nandiaddi si ya'u wuṛṛu nangonggollu wiakka si ya'u.

2 TIMOTIUS 3:16

Sarangkanambone apan uawoṛṛetta sulal᷊ummu Wuke Susi, tinantiron Duata wuṛṛu pia gunane ipangaṛṛa'a al᷊aṛṛa'a su ṛinone, ipanaggu, wuṛṛu ipangapia apan nassal᷊a, wuṛṛu ipangaṛṛa'a taumata tadea'u mabbiakka tumuṛṛuttu apulun Duata.

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

MANNANASE 2:26

Ruata nangonggollu apande, asingkatta wuṛṛu lal᷊umanna'a taumata apan maal᷊uassa naung-Nge. Arawe taumata marosa nirolokku Mawu mammanara maddea'a anna mangngombon hessine tadea'u itantilla su taumata apan maal᷊uassa naungngu Ruata. Nariaddi, sarangkanambone udde tawe gunane ere manara mangngenggenna anginna.

AMSAL 2:6

Tumba'u Mawu apan mangonggollu asingkatta; ete wuassi Tou taumata maasomba apande wuṛṛu pasasunna.

1 MARARATU 3:12

ne darorongngu udde sarun Ta'u suunganna. I Ya'u sarun ma'ola'a si'o lembon masingkatta wuṛṛu lembon pia apande wuassu anambon taumata, mawae sutempo nangkal᷊iu ara'e lai sutempo addantane.

DANIEL 2:21

Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.

DANIEL 1:17

Ruata nangonggolla su umbasanna siri appatta udde asingkatta wuṛṛu apande sulal᷊ummu aimpal᷊ukka wuṛṛu apanden passi'ol᷊anna. Wal᷊ine wua'udde lai si Daniel nionggol᷊an-Ne lai apande ipanal᷊a'an sondappa wuṛṛu wal᷊iawa.

AYUB 35:11

wuṛṛu nangonggolla su taumata ṛingidda mapia, nilumebbe wuassu manu'a wuṛṛu winatangnga su runia.

AYUB 33:16

Ruata nandolokki mangitou niapararingikka; I Tou namaṛṛindu'a si mangitou ringannu manga tataggu.

1 MARARATU 3:28

Sutempo walahannu Israel naaringikka putusanni Salomo sulal᷊ummu hatto udde, i mangitou tinumiangnga wuṛṛu mangngaddatta si tou. Ana waugu, nilumiatta'e manungku Ruata buatte nangonggolla si tou asingkatta tadea'u mammanara ringannu atatul᷊idda.

1 KORINTUS 12:8

Su sangkatou taumata, Ghaṛṛaho udde mangngonggolu apande ipabbisara ringannu saṛṛaungnga. Su taumata waine Ghaṛṛaho apan uasul᷊ungnga udde mangngonggolu apande ipanal᷊a'a su ola'u Ruata.

PANDARIADDI 41:39

Ne ratu nabbisara si Yusuf, “Ruata buatte namasingkattu sarangkanambone indi si'o, nariaddi natualage manungku i'o mappandeanna wuṛṛu massingkatanna wuassu al᷊awo'u taumata.

1 MARARATU 4:29

Ruata nangonggolla si Salomo asingkatta, wuṛṛu apande apan tumaniten bahewalla, see pasasunna apan tumaniten mal᷊al᷊umma.

PANDARIADDI 41:38

Ana see ratu nabbisara si mangitou, “I ite tawe maasomba taumata waine apan botongnge maasampal᷊iu si Yusuf, ana waugu i tou aehetannu ghaṛṛahon Duata.”

AYUB 27:3

i ya'u nassal᷊u: Tantal᷊anna Ruata ta'e mangngonggollu sasangngo si ya'u, tantal᷊anna niawa ta'e sulal᷊ummu waddangku,

1 MARARATU 5:9

Manga taumata'u sarun mangapiddu alu udde sumossokka wuassu Libanon watukku tahal᷊oangnga. Isudde manga potottu alu udde sarun wa'isanni mangitou maola'a ṛumbanna wuṛṛu iapa'elekki mangitou su winggin tahal᷊oangnga watukku tampa apan buatte nitantuni Tuangnga. Poiaroddi manga ṛumbanna isongkaka wuṛṛu itantila sumanga taumatan Tuangnga see urusanna sara marampiga. Wuassu samba'an Tuangnga, i ya'u maddorongnga tadea'u i Tuangnga manaddia anna su manga taumata lal᷊oṛṛon wal᷊en araratuangku.”

AYUB 12:16

Ruata udde matohassa, ma'uatta wuṛṛu mawantuga! Taṛṛa wahia wuṛṛu iapa niawahianna bowa su al᷊ungngu taṛṛino-Ne.

AMSAL 20:27

Lal᷊ummu naungngu taumata udde asasemakka wuassu Mawu apan mannemakka ahewallu naungnga.

YESAYA 28:26

I tou masingkatta ola'u manarane, ana waugu buatte niaṛṛaannu Ruatane.