AYUB 31:24 - WUKE SUSI WATTI'U AL᷊AL᷊USASSA

²⁴ Taambe saran paassa i ya'u mangngasakku darotongku,

AYUB 31:24 Referans Kwoze

AMSAL 11:28

Isai apan mangngasakku paa'alane sarun manawo ere rongnga naṛṛangute; taumata apan susi sarun mati'akka ere lal᷊uwon rongnga wakku.

DARALO 52:7

Arawe i'o sarun pateannu Ruata sarangkal᷊o'engnge; i'o sametanna wuṛṛu wol᷊enganna wuassu wal᷊enu, wuṛṛu iapawul᷊i wuassu runian taumata wiakka.

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

1 TIMOTIUS 6:10

Ana waugu wuassu aapulun doitta, lumappute al᷊awo'u al᷊al᷊eo. Pia sambageanganna taumata apan maddea'a roitta na'oman sara tate tumuṛṛutta lai al᷊aṛṛa'u Saṛṛani, ana see i mangitou niaṛṛiaannu manambo asasusa naṛṛimunsa'a naungngi mangitou.

AMSAL 30:9

Ana waugu, amungkangngu i ya'u ala, asinungka i ya'u sarun mabbisara manungku i ya'u tate mappandumma si'o. Wuṛṛu napawe i ya'u asiangnga, asinungka i ya'u sarun manna'o ma'oman sara mandal᷊eote aran-Nu.”

AMSAL 10:15

Paa'ala ual᷊u'adda siapa ala, asasusa maaola'a papate su taumata asiangnga.

DARALO 62:10

Taumata tumba'u ere singangu paassa isangngo, wahewalla addio'a uasul᷊ungnga tawe aregane. Amungkangu itimbanga, i mangitou maṛṛanna, maṛṛannanna wuassu singangu paassa isangngo.

DARALO 49:17

Arie paata'utta amungkangu pia sangkatou mabbal᷊i ala, wuṛṛu darotongnge mabbal᷊i manambo.

KOLOSE 3:5

Ana waugu udde, tantanga'e paa'apulun dunia apan maawinasa ririnu, ere sandaga, manga inolaanna apan tawe matataṛṛino, apulu naungnga, tawe masabare, apulu apan lal᷊eo, wuṛṛu awawal᷊iu (ana waugu awawal᷊iu udde nassul᷊ungngu massubba paal᷊uanna).

LUKAS 12:15

Wua'udde Mawu Yesus nabbisara su anambon taumata isudde, “Paatehamma wuṛṛu paariaga, arie ma'oman sara i yamiu manaṛṛia'u. Ana waugu wiakku taumata tawe uaantimma wuassu pa'a'alane, salaiwe darotongnga uarundu'a.”

PANDARIADDI 31:1

I Yakub naaringikka al᷊aṛṛana'i Laban nabbisara arendi, “I Yakub buatte nanganu al᷊awo'u darotongngu iamangngi ite. Anambon pa'a'alane punnene wuassu darotongngu iamangngi ite.”

MARKUS 10:23

Ne Mawu Yesus nanutudde mallal᷊aṛṛenggen-Ne see nabbisara si mangitou, “Masahadda atonna taumata ala maola'a lal᷊oṛṛo n araratuannu Ruata!”

AYUB 22:24

Rammea'e wul᷊awanna apan lembon tutune; lomboa'e su wantan sal᷊ukka apan tate ua'ene lai.

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

YEHEZKIEL 28:5

Atonna, i'o pande maddagangnga wuṛṛu orassa indi naalate, wuṛṛu pa'aalanu udde naaola'a si'o mawunga!’ ”