AYUB 29:14 - WUKE SUSI WATTI'U AL᷊AL᷊USASSA

¹⁴ Inolaangku matul᷊idda tawe sangkulle; i ya'u sidutu mannahekku atatul᷊idda.

AYUB 29:14 Referans Kwoze

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

YESAYA 59:17

I tou nappaattu atatul᷊idda wuṛṛu asasal᷊amatta ere laubba atta'a wuṛṛu araposa waja. I tou mappulu mangapia olangnge udde wuṛṛu mabbal᷊issa apan tawe su atatul᷊idda.

DARALO 132:9

Antimanna al᷊aṛṛanang-Ngu humio lullala'a, wuṛṛu manga imam tatahuanan-Nu sidutu mabbiakka tuttuṛṛutta apulu-Nu.

EFESUS 6:14

Ṛinone i yamiu mangke uatehamma. Paata'e tatuṛṛuta su Ruata maola'a aiitta lawassa, wuṛṛu atatul᷊idda maola'a laungngu wuassu atta'a.

SONDAPPA 19:8

Peddeta lenan apan sussal᷊endapa suete nionggolla si tou iapaal᷊uṛṛe.” (Peddeta lenanna udde eteudde manga inolaanna apan mapia apan niola'u al᷊aṛṛana'u Ruata.)

AYUB 27:6

I ya'u sidutu uaaggassa su tatuṛṛu'u, wuṛṛu lal᷊ummu naungku sidutu waresi.

1 TESALONIKA 5:8

Arawe i ite indi manga taumata apan nasutta su allo apan masemakka; ana waugu ṛingiṛṛanni ite ṛinone masemakka. I ite ṛinone sidutu mangngimanna Mawu wuṛṛu mandangngu manga taumata waine wuṛṛu mangngantimma ringannu atonna manungku Ruata sarun manal᷊amatta si ite. Eteudde ahidda apan ual᷊indumma si ite sulal᷊ummu manara lumawangnga araranduma.

2 KORINTUS 6:7

wuṛṛu ringannu mabbatti'a watti'u Ruata wuṛṛu ringannu taṛṛinon Duata, i yami mapaal᷊iatta'a manungku i yami indi allangngu Ruata. I yami uaagassa apulu Ruata maola'a ahiddi ami ipamangalo ara'e ipannohassa wadangngi yami.

YESAYA 62:3

I'o naola'a ere mahkota maṛṛamaga si lima Mawu, mahkotan araratuanna su liman Duatanu.

TAHIUL᷊E 24:13

arawe ṛinone iapawelengnga si tou napawe maṛṛabite, tadea'u iluṛṛen tou matiilla. Ne i tou sarun ma'adiangkamanna wuṛṛu Mawu Ruatanu sarun umakkannu.

ROMA 13:14

Wala'e Mawu Yesus Kristus mangatokku apa apan sarun olaanna. Wuṛṛu imbaṛṛangnga tumuṛṛutta pallal᷊agun taumata marosa ipamatu'a apulun naungnga.

YESAYA 28:5

Mawu Apan Lembontaṛṛino sarun maola'a wunga apan maṛṛamaga su uman-Ne apan nallambe.

AYUB 27:5

Nariaddi, i ya'u maddiri mabbal᷊onu manungku i'o naṛṛino; ma'oman sara nate lai i ya'u mabbal᷊o manungku i ya'u tawe sangkulle.

DARALO 119:121

I ya'u buatte napaamattu atatul᷊idda wuṛṛu apapia, ariewe i ya'u itantilla su liman seetta.

ZAKARIA 3:5

Ne i tou lai namarentate mangangimbene mama'issu paparongnga apan baresi su puan Yosua. I mangitou tinumuṛṛutta wuṛṛu wua'udde i mangitou nalluṛṛen laubba waku udde si tou ringannu rariagannu maa'ekattu Mawu.

AYUB 31:36

ne ringannu lullala'a sarun iandangnga su wambangku, wuṛṛu maola'a mahkota iaddo su pua'u.