AYUB 24:13 - WUKE SUSI WATTI'U AL᷊AL᷊USASSA

¹³ Pia manga taumata apan mannol᷊a'u asasemakka wuṛṛu ma'isaseenne, i mangitou ma'ielembaga wuṛṛu tawe tumuṛṛutta dal᷊anne.

AYUB 24:13 Referans Kwoze

YUDAS 1:6

Paanaunge lai manga mala'ekatta apan nalliu passarannu taṛṛino mangitou, naoman sara nanantangu tampa atatanaanni mangitou. Ruata namantungu manga mala'ekatta udde ringannu ṛate apan tawe mawu'a, sulal᷊ummu tampa apan marandumma su al᷊ungngu runia. Poiaroddi i mangitou siddutu tataṛṛanganna ma'oman sara i mangitou iṛṛu'umanna su Allo apan wahewalla udde.

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.

YAKOBUS 4:17

Ana waugu udde, taumata apan masingkatu apapia apan ṛinone manaranne, arawe i tou tawe nammanara, taumata udde marosa.

ROMA 1:32

I mangitou masingkata manungku tumuṛṛuttu titan Duata, taumata apan ma'ola'a sarangkanambone udde ṛinone iṛṛuumanna pateanna. Salaiwe aroddi, i mangitou ta'e lai ma'ola'a inolaanna udde; wuṛṛu ewe'e inumire lai amungkangngu taumata waine ma'ola'a udde.

YOHANES 15:6

Taumata apan maddiri uaaukka ringang-Ku, sarun iramme ere ranna, ana see maṛṛangute. Manga ranna ereudde sarun iammulla wuṛṛu iramme su putungnga, see tutunganna.

YOHANES 12:40

‘I Ya'u mapaawuta mata mangitou, maola'a naungngi mangitou maatikka; tadea'u i mangitou tawe maasilo, ṛingiṛṛanni mangitou tawe maasunna. Tadea'u i mangitou tawe mabelengnga ringang-Ku, see I Ya'u mapaapia mangitou.’ ”

YOHANES 12:35

Mawu Yesus sinumimbakka, “Tumba'u tantal᷊anna adio'a semakka udde su wallatti yamiu. Nariaddi amatte tantal᷊anna semakka udde ta'e pia, tadea'u i yamiu tawe aratingannu randumma. Taumata apan u'amatta su ararandumma wagga suapa pattudanne.

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

YOHANES 8:31

Wua'udde Mawu Yesus nabbisara su manga taumatan Yahudi apan nangimante si Tou, “Amungkangngu i yamiu mabbiakka tuttuṛṛutta al᷊aṛṛa-U, i yamiu atonna-tonna mallal᷊aṛṛenggeng-Ku,

AYUB 5:14

Sutempo allo i mangitou niarandumanna, uasasaṛṛipo ere sutempo alloarane.

AYUB 24:12

Su manga soa aaringiṛṛanna aintul᷊in taumata maraniten mate, manga taumata nal᷊essa u'ui maddorongnga maiundamma, arawe Ruata tawe maddaringikka aal᷊iomanni mangitou; I tou maddiri mappandumma.

AYUB 24:14

Sutempo maraninnallo i taṛṛa pate nabbangunna wuassu atatiille, wua'udde sinumabbangnga wuṛṛu namate taumata asiangnga, wuṛṛu tantal᷊anna taambe maruaallo, i tou mangngal᷊oto'a naal᷊ihidda manana'o.

1 MARARATU 3:20

Rabbi mattangnga tantal᷊anna i ya'u mattiilla, i tou napu'o wuṛṛu nanganu ana'u wuassu sandiṛṛangku. Ana'u udde niaddone su tampa atatiil᷊anne, wuṛṛu anangnge apan natete udde niaddone su tampa atatiil᷊angku.

AYUB 24:16

Manana'o nanggohakku wal᷊en sutempo ṛabbi; sutempo allo i tou mallinda'u semakka wuṛṛu ma'imbuni.

AYUB 38:13

Buattewe i'o nandolokku semakku matannallo nangagassa runia wuṛṛu namaretan taumata lal᷊eo wuassu tampa i mangitou uaimbuni?

AYUB 38:15

Semakku allo tumaniten masemakka su taumata tawe mawune, wuṛṛu nanaṛṛangnga si mangitou ma'ola'a araṛṛaggissa.