AYUB 21:26 - WUKE SUSI WATTI'U AL᷊AL᷊USASSA

²⁶ Arawe su lal᷊abbinganna, i mangitou ual᷊allowangnga suadio'a; laṛṛimpul᷊unannu ul᷊idda wuṛṛu oa'a.

AYUB 21:26 Referans Kwoze

YESAYA 14:11

Dorone i'o wabbantuhannu musikku kecapi, arawe orassa indi i'o su tampaten araratuannu runian taumata nate. Manga ul᷊idda maola'a lallowangannu wuṛṛu oa'a maola'a tatimbuṛṛunnu!’

MANNANASE 9:2

Atonna, pal᷊addu pabbiaṛṛannu suapan taumata: Taumata matul᷊idda ara'e lai taumata lal᷊eo, taumata mapia ara'e taumata lal᷊eo, taumata waresi ara'e lai taumata kotore, taumata apan mangngonggollu sasamba ara'e lai tawe. Taumata mapia tawe mallal᷊umannaana wuassu taumata apan marosa, taumata apan massalu uasul᷊ungngu ringannu taumata apan maddiri massalu.

AYUB 20:11

Salaiwe i tou dario'a wuṛṛu matohassa, arawe tal᷊angkadio'a lai i tou maola'a awu sassane.

DARALO 49:14

Etearoddi pal᷊addu taumata apan mangngasakku watanganne, wuṛṛu allo addantane su taumata apan nawusaten wisarane.

AYUB 24:20

Inangngene sassane naabul᷊iten tou, wuṛṛu manga ul᷊idda niuminassa watanganne. Aranne tate lai naunganna; i tou niinsue naal᷊ihidda alu apan nasuatta.

AYUB 19:26

Salaiwe manga pisi su baddangku nal᷊al᷊essa wuṛṛu nawawa'a, arawe su al᷊o'engngu i ya'u pia awa'a, i ya'u sidutu ua'ellega Ruata.

AYUB 17:14

Labbingku isaggo'u “Iamangku”, wuṛṛu manga ul᷊idda u'inassa waddangku ta'u isaggo “Inangnga” wuṛṛu “Wawine'u”.

AYUB 3:13

Unnuwisara sutempo udde i ya'u nate, ne i ya'u mattiilla wuṛṛu mangillol᷊o ringannu matammudda,

AYUB 21:25

Arawe piaddu lai mattate uatataṛṛangnga asasusa, tawe saran passa naapendamma al᷊al᷊uassa.

AYUB 21:27

Atonna i ya'u masingkatu ṛingiddi yamiu wuṛṛu al᷊awo'u al᷊al᷊eo apan lakkiinni yamiu.

MANNANASE 9:3

Nariaddi, pal᷊addu pabbiaṛṛanna apan uasul᷊ungnga lai sarun maṛṛia'a si mangitou sarangkanambone. Wuṛṛu udde sambau inolaanna apan maasusa ere lai al᷊awo'u arariaddianna su runia. Su al᷊o'engngu pabbiaṛṛanne naungngu taumata napenen al᷊al᷊eo, wuṛṛu ṛingiranne lai napenen awawoddo. Ana see inaṛṛombanganne i tou naasomba papatene.