AYUB 20:8 - WUKE SUSI WATTI'U AL᷊AL᷊USASSA

⁸ I tou sarun mawul᷊i ere lintaun bal᷊iawa, mahangginna ere aellega sutempo ṛabbi.

AYUB 20:8 Referans Kwoze

DARALO 90:5

I'o napa'elekki yami; i yami naal᷊ihidda su wal᷊iawa, naal᷊ihidda nannal᷊o apan nassolla;

DARALO 73:20

Naal᷊ihidda wal᷊iawa apan nawul᷊i sutempo marua allo; sutempo I'o dirumarisikka oh Mawu, i mangitou lai nawul᷊i.

DARALO 18:10

Langitta niwaa-Ne, ana see sinumossoke i Tou ringannu winabbawa marandumma su al᷊ungngu ledda-Ne.

AYUB 18:18

Wuassu asasemakka i tou nilimbuaṛṛanna sulal᷊ummu ararandumma; wuassu runian taumata wiakka i tou niapasal᷊iu.

AYUB 18:11

Taumata lal᷊eo niṛṛumoron atata'utta wuassu al᷊awo'u pappi'uanne; atata'utta uatantalongnga su manga lempangnga.

AYUB 27:20

Atata'utta nirumanta naal᷊ihidda nanawangnga labbangnga nirumanta namaṛṛoro. Anginna ma'ikkatta sutempo ṛabbi tinumiuppa wuṛṛu nangapiddi tou inai.

DARALO 90:10

Tempo ipabbiakki yami tumba'u pitu pul᷊o su tonnane, amungkangu i yami matohassa, ual᷊u pul᷊o su tonnane. Arawe tumba'u asasusa wuṛṛu uatataṛṛangnga apan niasombanganni yami; napawe buatte nabbiakka maautta, ne i yami lai nawul᷊ite.

DANIEL 11:19

Ratun banua sawannakka udde sarun mabbelengnga watukku manga tanda'a watune su wanuane sassane, arawe i tou sarun iawaddo wuṛṛu tate batti'a lai su ola'i tou.

ESTER 7:10

Etearoddi Haman nihantongnga su diṛṛi apan buatte niolangnge panggantonganni Mordekhai. Wua'udde nompo'e asasa'un datu.

AYUB 7:8

Orassa indi i'o ual᷊ellege si ya'u – arawe udde tawe mal᷊annu. Amungkangngu i ya'u reaannu, tate asombanganna.

AYUB 7:21

Apa I'o tawe mapangampungnga rosa'u? Tawe wotongnge I'o mapamappassa pasasal᷊a'u? Ete addio'a lai i ya'u lumallowangnga su lal᷊abbinganna, ne amungkangngu I'o maddea'a si ya'u, i ya'u tate asombangan-Nu.”

AMSAL 10:25

Napawe anginna wahewalla tumumbu'a mawul᷊ite taumata lal᷊eo; arawe taumata matul᷊idda matatana'a matohassa saran mal᷊annu-l᷊annu.