AYUB 20:14 - WUKE SUSI WATTI'U AL᷊AL᷊USASSA

¹⁴ Arawe anna udde nawal᷊u sulal᷊ummu tianna, nabbal᷊i pasangkadda mangngapiddu papate.

AYUB 20:14 Referans Kwoze

ROMA 3:13

Tonggol᷊anni mangitou naal᷊ihida ere lal᷊abinganna apan wawu'anna. Manga awusu wuṛṛu wahia mangngelekka wuassu lila mangitou, wuṛṛu wiwikki mangitou mapaasabangngu aal᷊uandaga, ere wisan atoanna.

MALEAKHI 2:2

Pangaddatte si Ya'u ringannu pallal᷊agunu. Amungkangngu i yamiu maddiri maddaringikka wisara-U, i yamiu sarun Ta'u wontohanna. Sarangkanambone apan sengkamanni yamiu ma'ola'a al᷊amatta sarun mawal᷊u mabbal᷊i wawontoga. Mangke atonna, sarangkanambone apan mapia udde buatte Ta'u niwontohanna, ana waugu i yamiu tawe maddaringikka parenta-U.

YEREMIA 2:19

Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”

AMSAL 1:31

Ana waugu udde, i yamiu sarun maapendamma pangillul᷊eannu manga inolaannu wuṛṛu manga hol᷊agu apan dal᷊eo.

AYUB 20:16

Mandal᷊al᷊eo sarun ma'inumma pasangkada mangngapiddu silaka, i tou sarun mate waugu ere pina'iin atoanna mawisa.

TAHIUL᷊E 32:24

I mangitou sarun mate ana waugu sal᷊iubba wuṛṛu al᷊al᷊unussa, wuṛṛu ana waugu radda'a apan ma'ata'utta. Ta'u iwala i mangitou aṛṛatannu winatangnga mal᷊aṛṛaga, wuṛṛu pul᷊isannu atoanna mawisa.

AYUB 20:15

Darotongnga nita'o apan niallumme, niwata'a nimutane; Ruata napassabbangnga wuassu tianne.

AYUB 20:23

Sutempo i tou uasasaṛṛawutta maloṛṛo tianne, Ruata nabbal᷊i nasa'u wuṛṛu nakkuumanne.

AMSAL 20:17

Darotongnga ina'ulen mallinga, paarorone matemangnga nenengnge, arawe wua'udde pendamanna ere temangngu wakka.