AYUB 18:16 - WUKE SUSI WATTI'U AL᷊AL᷊USASSA

¹⁶ Manga ṛamunne namara wuṛṛu naal᷊umpissa; manga rannane naṛṛangu wuṛṛu naaṛṛiunnudda.

AYUB 18:16 Referans Kwoze

HOSEA 9:16

Taumatan Israel sarun Ta'u iṛṛuummanna. I mangitou sarun mabbal᷊i ere sasuanna apan tawe mabbua, wuṛṛu manga ṛamunne naṛṛangute. I mangitou sarun tawe maasomba ana'a; arawe salaiwe i mangitou uatahuanna ana'a, sarun Ta'u pateanna al᷊aṛṛana'a apan arangnguanni mangitou udde.”

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

AMOS 2:9

Salaiwe aroddi, ei uma-U, ete ana waugu i yamiu i Ya'u namate taumatan Amori apan mal᷊angkassa ere punnu cemara wuṛṛu matohassa ere punnu terpentin.

YESAYA 5:24

I yamiu buatte nanol᷊a'u al᷊aṛṛa'u Mawu Apan Lembontaṛṛino, wuṛṛu mallobbossa parentan Duata susin Israel. Ana waugu udde, naal᷊ihidda laṛṛami wuṛṛu nannal᷊o mamara nasue natutungnga sulal᷊ummu putungnga, aroddi lai manga ṛamunnu sarun mabbal᷊i mawukku'a, manga wunganu maṛṛagassa wuṛṛu masue italla'u anginna.

AYUB 15:30

I tou sarun tawe maal᷊iu wuassu ararandumma; putungnga sarun manutungnga manga sollane. I tou sarun masue ṛatangannu singangu wuassu moṛṛongngu Ruata.

AYUB 29:19

I ya'u naal᷊ihidda aal᷊uanna apan masuwukka tatuwone, ṛamutta ua'ene natimu wuṛṛu wal᷊angngukka maṛṛolo rannane.

AYUB 15:32

Tantal᷊anna taambe nia'omanna tempone, i tou sarun mate, naal᷊ihidda ranna tinumolangga apan tate mangelomma apia.

YESAYA 14:20

I'o buatte naminasa wanuanu wuṛṛu namate pabbawalagu sassane. Ana waugu udde i'o sarun tawe ilabbingnga ere manga ratu waine. Tawe saran sangkatou wuassu walahannu apan dal᷊eo udde sarun iapaasal᷊amatta.

AYUB 8:17

Ṛamunne mangngal᷊i'uppa manga leta'a; uawa'issa matohassa, i tou tawe hampa umal᷊ore.