AYUB 14:5 - WUKE SUSI WATTI'U AL᷊AL᷊USASSA

⁵ Anambon uukku taumata buatte nitantun-Nu; anambon bul᷊anne I'o buatte nangatokka. I'o buatte nanantunnu lai manga panginsueannu pabbiaṛṛanna; i tou tawe mapalliu udde.

AYUB 14:5 Referans Kwoze

DARALO 39:4

i ya'u niattongu asasinggawanga apan wahewalla. Lembon iraṛṛingidda, lembon massusa naungku; panginsueanne i ya'u nabbisarate,

WATTI'U MANGA RASUL 17:26

Wuassu sangkatou taumata i Tou nandiaddi anambon walahanna wuṛṛu nandolokki mangitou matana'a su ahewallu runia. Ete i Tou lai apan nanantunna ro'en paarorone, tingngera wuṛṛu suapa i mangitou wotongnge mabbiakka.

IBRANI 9:27

Ruata suete nanantuna manungku taumata mate tumba'u paassa wuṛṛu wua'udde parikisannu Ruata.

AYUB 12:10

I Tou mangngatokku wiakku al᷊awo'u riaddianna su runia; I Tou uataṛṛino niawan anambon taumata.

DARALO 104:29

Napawe I'o manaile, i mangitou nata'utta; napawe I'o manganu sasangngone, i mangitou mate, wuṛṛu mawelengnga mabbal᷊i awu ere paarorone.

AYUB 21:21

Amungkangngu taumata nia'omante auuṛṛanne su runia, ta'e mannaungnga i tou tanne amonanne su lal᷊ummanna'a?

LUKAS 12:20

Arawe Ruata nabbisara si tou, ‘Ei taumata woddo! Ṛabbi indi lai i'o sarun mate, see isai sarun manahuanna paa'ala apan suete niammullu hunam badangngu?’

DANIEL 5:26

Wuṛṛu eteindi atappasanne: Ireengnga tempon pamamarentan Tuangku buatte nireengngu Ruata wuṛṛu niinsuene;

DARALO 104:9

I'o nanantunna manga passaranna apan i tou tawe maal᷊iu, tadea'u tawe maawelengnga mangammon dunia.

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

AYUB 14:14

Ana waugu, napawe taumata mate, wotongngewe i tou mabbiakka apia? Allo uahahantin allo i ya'u uaṛṛaddo maddatingngu tempo asasusa'u indi mal᷊iudda.

AYUB 7:1

Taumata udde naal᷊ihidda iwabbata'a mattinsahadda; wiakke masahadda naal᷊ihidda wiakku taumatan sewa;

SONDAPPA 3:7

“Su mala'ekattu jamaatta su Filadelfia, woṛṛetta'a arendi: Ete indi tanata wuassi Tou apan susi wuṛṛu tutune. Ete i Tou uaaggasa a'unsi apan tatahuananni Daud; amungkangu i Tou mamu'a, tawe saran sangkatou wotongnge maaṛṛu'uda, wuṛṛu amungkangu i Tou maṛṛuuda, tawe saran sangkatou wotongnge maawu'a.

DANIEL 5:30

Su rabbi udde lai nippatete Belsyazar ratun Babel udde.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

DARALO 31:15

Arawe i ya'u uaantimma Si'o, oh Mawu, ana waugu ete I'o Ruata'u.

DARALO 139:16

I'o maasilo si ya'u sutempo i ya'u ta'e sulal᷊ummu illoṛṛo; sarangkanambone uawoṛetta sulal᷊ummu wuke-Nu; manga allone buatte nitantunna tantal᷊anna allo sambau taambe nitattakka.

MANNANASE 3:2

Ruata nanantunnu tempo ipanungkangnga wuṛṛu tempo mate, tempo massuanna wuṛṛu tempo mangabbutta,

1 SAMUEL 26:10

Sulal᷊ummu arannu Mawu apan biakka, ya'u masingkatta manungku Mawu sassane apan sarun mamate si Saul, napawe papatene nia'omante, ara'e i tou mate sulal᷊ummu pangalo.

AYUB 16:22

Manga tonna'u apan nallambe tate manambo lai; tate mal᷊annu lai i ya'u inaite wuṛṛu tate mabbelengnga apia.

MANNANASE 8:8

Tawe saran sangkatou apan wotongnge manaṛṛangnga ara'e manoṛṛottu papatene. Udde manara apan tawe iaal᷊inda'i tou, i tou tawe maal᷊iu wuassi tou, salaiwe ringannu aalla wuṛṛu wawahia.