AYUB 14:15 - WUKE SUSI WATTI'U AL᷊AL᷊USASSA

¹⁵ Ne I'o sarun mamaggo si ya'u, ne i ya'u lai sarun sumimbakka; I'o sarun mandangngu si ya'u apia, riadianna apan niolang-Ngu.

AYUB 14:15 Referans Kwoze

DARALO 138:8

I'o sarun manipussa paaire-Nu si ya'u; ariewe mangillol᷊o mangaṛa'a al᷊aṛṛanang-Ngu.

AYUB 13:22

Pabbisarate, ne i ya'u mangonggollu sasimbakke. Ara'e wala'ewe i ya'u mabbisara, wua'udde pabbal᷊isse!

AYUB 10:3

Apa untungnge amungkangngu I'o mangngallangnga arendi, wuṛṛu mandammen hessin manara-Nu sassane? Apa untungnge amungkangngu I'o susambau addapatta wuṛṛu ṛiinnu manga taumata lal᷊eo?

1 PETRUS 4:19

Ana waugu udde, amungkangu pia taumata apan uatataṛṛanga ana waugu Ruata mappandumma aroddi, ṛinone manga tumata udde mabbiakka ringannu mapia wuṛṛu manantillu watanganne su Mandariaddi si mangitou. I Tou siddutu mapaatipussu paaire-Ne.

1 TESALONIKA 4:17

Wua'udde, i ite apan ta'e wiakka su tempo udde sarun masengkengnga su sampunna ringanni mangitou sulal᷊ummu winabbawa maisasomban Duata su winalanganna. See i ite matana'e ringannu Mawu saran mal᷊annu-l᷊annu.

AYUB 10:8

I ya'u indi nilanginnu lima-Nu, ṛatadde orassa indi I'o mamate si ya'u?

AYUB 7:21

Apa I'o tawe mapangampungnga rosa'u? Tawe wotongnge I'o mapamappassa pasasal᷊a'u? Ete addio'a lai i ya'u lumallowangnga su lal᷊abbinganna, ne amungkangngu I'o maddea'a si ya'u, i ya'u tate asombangan-Nu.”

1 YOHANES 2:28

Nariaddi, al᷊aṛṛana'u, paasidutute mabbiakka uaaukka ringanni Kristus, tadea'u su tempo i Tou rumanta apia, i ite sumaruanna si Tou ringannu napenen kawawaṛṛani, wuṛṛu tawe ma'imbuni ana waugu massili.

AYUB 14:14

Ana waugu, napawe taumata mate, wotongngewe i tou mabbiakka apia? Allo uahahantin allo i ya'u uaṛṛaddo maddatingngu tempo asasusa'u indi mal᷊iudda.