AYUB 13:26 - WUKE SUSI WATTI'U AL᷊AL᷊USASSA

²⁶ I'o mannantunnu pabbiaṛṛangku apan mapetta si ya'u; I'o nabbal᷊issa pasasal᷊a'u sutempo i ya'u ta'e dario'a.

AYUB 13:26 Referans Kwoze

DARALO 25:7

Ampungewe rosa wuṛṛu pasasal᷊a'u sutempo i ya'u ta'e dario'a, naungewe ringannu darangngu wuṛṛu apapia-Nu.

YOHANES 5:14

Wua'udde Mawu Yesus nassomban taumata udde sulal᷊ummu Wal᷊e Mawu, wuṛṛu nabbisara si tou, “Orassa indi i'o napiate. Arie pa'ola'a rosa apia, tadea'u tawe mamendamma rada'a lembon aral᷊eoanne.”

YOHANES 5:5

Su tampa udde pia sangkatou esakka apan marada'a tallutem pul᷊o ual᷊u su tonnane al᷊annune.

YEREMIA 31:19

I'o buatte tinal᷊i'uranni yami, arawe inolaanna udde iassasilli yami. Napawe I'o nakkuumanni yami, puang kami niumaruutta ana waugu massusa. I yami massili wuṛṛu nahelo ana waugu buatte na'ola'a rosa sutempo dario'a.’

AYUB 20:11

Salaiwe i tou dario'a wuṛṛu matohassa, arawe tal᷊angkadio'a lai i tou maola'a awu sassane.

AYUB 3:20

Anio taumata sidutu niwala mabbiakka susa? Anio semakka nionggolla su taumata apan massusa?

RUT 1:20

“Ariete mamago si ya'u i Naomi,” unni Naomi, “i ya'u waggoite i Mara, ana waugu Ruata Apan Lembontaṛṛino buatte namala'u mabbiakka ringannu napenen asasusa.

AYUB 9:18

Tawe niwala-Ne i ya'u sumangngo sarangkadio'a; ewe'e lai i ya'u niomboan-Ne ringannu asasusa apan mawakkatta.

1 MARARATU 17:18

Ana see unnu wawine wal᷊u udde si Elia, “Allangngu Ruata, anio Iamangnga na'ola'a olangnge indi su saruangku? Apa Iamangnga rumanta tadea'u Ruata manaungnga rosa'u, na'oman sara ana'u rinone mate?”