AYUB 11:7 - WUKE SUSI WATTI'U AL᷊AL᷊USASSA

⁷ Tawe mariaddi ola'u Ruata wotongnge asunnannu? Tawe mariaddi taṛṛino-Ne wotongnge asingkatannu?

AYUB 11:7 Referans Kwoze

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

MANNANASE 3:11

I tou nanantunnu tempo apan naṛṛino su al᷊awo'u saranapa. I tou nangonggolla si ite paapulu tadea'u maasingkatta allo addantane, arawe i ite tawe maasunna inolaannu Ruata wuassu panattaṛṛanne maddatingngu panguddusanne.

DARALO 145:3

Ana waugu Mawu mawantuga wuṛṛu lembon raddaloanna, awawantu-Ge tawe asaṛṛasiranna.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

YESAYA 40:28

Ṛatadde i'o wagga wuṛṛu tawe naaringikka? Ete Mawu Ruata apan sarangkal᷊o'enge, apan nandiaddi ahewallu runia. Taambe saran paassa i Tou naapendamma nallome ara'e nal᷊otakka; ṛingiran-Ne tawe aurumanna.

DARALO 77:19

Rallu'a mappose, sawallo mabbeessa, runia niumio'a wuṛṛu nangindo.

AYUB 37:23

Wahewalla atonna taṛṛinon Duatan kite; i ite tawe mapangundani-Ne, I Tou sidutu tawe awusune wuṛṛu matul᷊idda; tawe saran paassa i Tou mangallangnga taumata.

AYUB 5:9

Manga inolaannu Ruata tawe sul᷊ungnge; i ite mangke tawe maasunna. Manga al᷊aṛṛindu'a apan niolang-Nge, tawe iareengnga wuṛṛu tawe umuddussa.

1 KORINTUS 2:16

Sulal᷊ummu Wuke Susi uawoṛṛetta, “Isai massingkatu ṛingiṛṛannu Mawu? wuṛṛu isai wotongnge mangal᷊aṛṛa'a si Tou?” Ete i ite apan uatahuanna ṛingiṛṛanna apan uasul᷊ungngi Kristus!

1 KORINTUS 2:10

Arawe Ruata buatte napaal᷊iatta'a si ite sulal᷊ummu Ghaṛṛaho-Ne. Ghaṛṛahon Duata udde mammarikissa sarangkanambone, na'oman sara manga pandumannu Ruata apan uawuni.

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

AYUB 26:14

Arawe sarangkanambone udde tumba'u ipattiala taṛṛino-Ne; tumba'u sasal᷊imburungnga apan niaringiṛṛannu tal᷊inga. Atul᷊ungngawe eteapa pasasunna si ite su ola'u Ruata wuṛṛu aroddi ahewalle taṛṛino-Ne!”

AYUB 22:12

Wal᷊inewe Ruata uawanua su langitta apan atanggaṛṛanne, wuṛṛu mangngintanno inawa, watukku manga anumpitanna apan atanggaṛṛanne?

AYUB 33:12

Ei Ayub, addapannu nassal᷊a atonna! Waugu Ruata maggewal᷊anna wuassu taumata.

AYUB 33:13

Anio i'o mammaṛṛansilla Ruata manungku i Tou tawe maddaringikka sasal᷊iomannu taumata?

AYUB 36:26

Ruata lembon mawantuga, i ite tawe masaṛṛasidda si Tou ara'e lai mandeengngu anambon tonna-Ne.

AYUB 37:5

Ana waugu parentan Duata, ne al᷊aṛṛindu'a nariaddite, manga inolaanna maatiangnga tawe aasunnanni ite.

MANNANASE 7:24

Isai wotongnge maasingkatta atappasannu pabbiaṛṛanna indi? Tumanite malal᷊umma madea'a passunnanne!

AYUB 27:11

I yamiu sarun ta'u aṛṛaannu ahewallu taṛṛinon Duata, i ya'u mamasingkatta si'o ṛiinnu Apan Lembontaṛṛino.

AYUB 35:5

Paningngarate watukku langitta wuṛṛu pa'ellege aroddi atanggakke winabbawa.

AYUB 42:3

I'o ma'iwal᷊o anio i ya'u waṛṛani mapapadduan asingkan-Nu sumbal᷊i i ya'u sassane wagga. I ya'u mabbisaran manga hatto apan i ya'u tawe maasunna, su ola'u manga hatto apan maatiangnga si ya'u indi.

DARALO 139:6

Alal᷊ummawe eteapa si ya'u apapande-Nu udde, tawe a'omannu ṛingirangku.

AMSAL 30:4

Taumata suapane apan buatte napapal᷊ele su surga? Buattewe i tou nakkangkumma anginna sulal᷊ummu limane, wuṛṛu nami'unna ua'e sulal᷊ummu laungnge, ara'e nanantunnu manga passarannu runia? Isai i tou, wuṛṛu isai anangnge? I'o sarun masingkatta!