AYUB 11:6 - WUKE SUSI WATTI'U AL᷊AL᷊USASSA

⁶ Wuṛṛu antimanna i'o pasingkatannu Ruata, manungku asingkatta udde manambo lihidde, wuṛṛu tawe asunnannu taumata. Ne i'o naatutukke manungku asasusanu udde tawe tumani, isumandingu ṛuumanna apan ṛinone sengkamannu.

AYUB 11:6 Referans Kwoze

EZRA 9:13

I yami buatte na'ola'a rosa wuṛṛu nilumawangnga tita-Nu, wuṛṛu I'o buatte nakkuumanni yami. Arawe yami masingkatta, oh Ruatan kami, manungku ṛuumanna apan nionggollu Mawu udde tawe tumanin mawakkatta apan ṛinone sengkamanni yami, ewe'e I'o ta'e lai nanalamatta si yami.

LAL᷊ALLU 3:22

Tatal᷊antuppu Mawu uatatana'a sarangkal᷊o'enge, darangngu-Ne tawe masue,

EFESUS 3:5

Dorone addapingnge udde tawe niapaasingkatta su taumata, arawe orassa indi Ghaṛṛahon Duata suete namasingkata su manga rasul wuṛṛu nabi-Ne.

MATIUS 13:35

Ringannu aroddi nariaddite apa apan niwal᷊o nabi, “I ya'u mappaattu sasumandingnga amungkangngu maggahatto mangitou; I ya'u sarun mabbatti'u inolaanna apan uawuni ro'en arariadin runia indi.”

DANIEL 2:28

Arawe su surga pia Duata apan manni'attu al᷊awo'u addapingnga, wuṛṛu i Tou buatte namasingkatta si Tuangku apa apan sarun mariaddi su allo addantane. Orassa indi, wotongngewe allangngu manal᷊a'an bal᷊iawa wuṛṛu sondappa apan niasiloanni Tuangku sutempo matiilla.

AYUB 15:8

Apa i'o naaringikka Ruata na'ola'a riin-Ne? Apa tumba'u i'o apan pia asingkattu taumata?

DANIEL 2:47

Ratu nabbisara, “Attonna, Daniel, Ruatanu udde ahewal᷊anne suwallattu al᷊awo'u Ruata. I tou uddewe utaṛṛino al᷊awo'u ratu, wuṛṛu manani'attu al᷊awo'u addapingnga. I ya'u masingkattu olangnge udde ana waugu i'o buatte nanala'an atappasannu addapingnga indi.”

DARALO 25:14

Mawu uddewe hawen taumata apan mangngimanna, I Tou namasingkattu panduman-Ne si mangitou.

AYUB 15:11

Anio apapian Duata tawe sengkamannu? I yami mabbisara ringannu sabare wuṛṛu masi'ome sulal᷊ummu aran-Ne.

AYUB 15:5

Manga wisaranu mappal᷊iatta'a manungku i'o nassal᷊a, arawe al᷊al᷊eonu tataapannu manga wisaranu.

AYUB 9:4

Ruata udde nangillembon pande wuṛṛu taṛṛino; isai woṛotongnge maataṛṛangnga mando'appa si Tou?

TAHIUL᷊E 29:29

Pia manga pira hatto apan iaadappingngu Mawu Ruatan kite; arawe tita-Ne buatte niapal᷊iatta'a si ite, wuṛṛu i ite see papapulunni ite ṛinone tumuṛṛutta saran mal᷊annu-l᷊annu.”

DARALO 103:10

I Tou tawe makkuumanni ite uasul᷊ungu rosan kite, ara'e mabbal᷊issa si ite uasul᷊ungu pasasal᷊an kite.

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

AYUB 11:5

Arawe, antimanna Ruata sassane mabbisara!

AYUB 22:5

ewe'e ana waugu tumaniten manambo rosanu, wuṛṛu tumaniten dal᷊eo inolaannu wuṛṛu pallal᷊agunu.

AYUB 33:12

Ei Ayub, addapannu nassal᷊a atonna! Waugu Ruata maggewal᷊anna wuassu taumata.