AYUB 11:20 - WUKE SUSI WATTI'U AL᷊AL᷊USASSA

²⁰ Arawe taumata lal᷊eo sarun ma'ellega ringannu u'al᷊iwu, waugu i mangitou tawe aontolla. Tumba'u sambau antimmi mangitou eteudde papate paal᷊ihakke rumanta.”

AYUB 11:20 Referans Kwoze

TAHIUL᷊E 28:65

Suwallatu manga walahannu udde i yamiu tawe maasomba atatammudda, wuṛṛu tawe apan botongnge isaggo pussaanu; Mawu sarun ma'ola'a si yamiu sussal᷊impawakka wuṛṛu naungnga maadio'a tawe antimma.

AYUB 31:16

Taambe saran paassa i ya'u maddiri mantul᷊ungngu taumata asiangnga, ara'e namalan manga wawine wal᷊u mabbiakka tawe antimma.

AYUB 17:5

Tumuṛṛuttu sasanato'a, isai mangalae ringanna tumba'u ana waugu auntunganna, manga anangnge sassane sarun manengkamma wawal᷊inne.

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

AMOS 2:14

Tumatal᷊angnga apan mal᷊ihakka lai sarun tawe maal᷊assangnga, taumata matohassa sarun awul᷊iannu ikkanne, wuṛṛu taumata waṛṛani tawe mapanal᷊amatta watanganne sassane.

LAL᷊ALLU 4:17

Matan kami naasilote, ual᷊aṛṛaddo sumbala apan tawe rumanta. I yami uaantimma aontollu sambau walahanna, apan ṛinone tawe mapangonggollu manga apa.

AMSAL 20:20

Taumata apan mammontoga hagurangnge, wiakke sarun mawul᷊i naal᷊ihidda sol᷊o nappaddumma su ṛabbi wasa.

AMSAL 10:24

Taumata masaṛṛionto'a maasomba apa apan ipaapulune; taumata lal᷊eo maasomba apa apan lembon iaata'unne.

DARALO 69:3

I ya'u nal᷊ioṛṛo'a su lota apan mal᷊al᷊umma, tawe tampa pamaheṛṛanne. I ya'u nawul᷊ussa su ua'e apan mal᷊al᷊umma, nielekku lua'u ṛuabba.

AYUB 34:22

Tawe ararandumma, salaiwe wasa tuudda, apan wotongnge mapamunin taumata marosa.

AYUB 27:22

I tou niaṛṛiaanne ringannu tawe aakkanne, wuṛṛu naal᷊are tinumal᷊angnga naddea'a pattilummanna.

AYUB 27:8

Piawe antimma su taumata lal᷊eo sutempo Ruata maddorongnga niawane?

AYUB 18:14

I tou niwangkassa wuassu rasanne, sutampa i tou amanna, ana see niwol᷊engnga iapasaruanna papate.

IMAMATTA 26:16

i yamiu sarun Ta'u iṛṛuumanna. I Ya'u sarun mandantan asasilaka si yamiu, radda'a wuṛṛu sal᷊iubba apan tawe ia'undamma, ma'oman sara matanu mabbal᷊i wuta wuṛṛu i yamiu mabbiakka sansara. I yamiu sarun mabbailla arawe tawe maal᷊ewa hessine, ana waugu manga seennu sarun dumanta mamaddon kamiu wuṛṛu manginsue sinuanannu.

AYUB 6:9

Antimanna Ruata maapulu makkimunsa'a si ya'u! Antimanna i Tou mamuulla wuṛṛu mamate si ya'u!

AYUB 12:1

I Ayub sinumimbakka, “Atonna, i yamiu indi uaapiddu arannu taumata. Napawe i yamiu mate, asingkatta sarun mate lai.

DARALO 142:4

Sutempo i ya'u asueanten antimma, I'o masigkattu apa apan ṛinone ta'u olaanna. Su lal᷊anna apan ta'u amatanna, seetta mal᷊anna-l᷊annaba nantaingngu sedda si ya'u.

AMSAL 10:28

Antimmu taumata mapia ma'ola'a si tou su lal᷊umanna'a; antimmu taumata lal᷊eo tawe loṛṛone.

YEREMIA 25:35

I yamiu sarun tawe maal᷊assanga.

AYUB 3:21

Si mangitou mappianne lal᷊abbinganna wuassu darotongnga, uaṛṛaddo papate, arawe tawe rumanta.

AYUB 3:22

Lal᷊umanna'a wakkute apendamanna inapawe i mangitou mate wuṛṛu ilabbingnga.