AYUB 10:9 - WUKE SUSI WATTI'U AL᷊AL᷊USASSA

⁹ Naungete manungku wuassu awun leta'a I'o na'ola'a si ya'u! Ṛatadde I'o na'ola'a apia si ya'u nabbal᷊i awu?

AYUB 10:9 Referans Kwoze

PANDARIADDI 2:7

Wua'udde Ruata nanganu leta'a sangkompenga, niola'a nabbal᷊i sangkatou taumata, ana see napaasabangu singangu apan mangngonggollu wiakka sulal᷊ummu loṛṛangu ngirunne; ne nabbiakke taumata udde.

YESAYA 64:8

Arawe I'o, oh Mawu, uddewe Iamangngi yami, i yami leta'a madde'etta, wuṛṛu I'o na'ola'a saṛṛene; i yami sarangkanambone uddewe lanna'u lima-Nu.

PANDARIADDI 3:19

I'o sarun mammanara ringannu masaha-sahadda wuṛṛu ringannu liaha i'o mammanara leta'a indi tadea'u pia gessine, maddatingngu i'o mabbelengnga su leta'a, ana waugu ete wuassu leta'a i'o niola'a. I'o niola'a wuassu leta'a, wuṛṛu sarun mabelengnga apia su leta'a.”

MANNANASE 12:7

Waddangngi ite sarun mawelengnga apia, mabbal᷊i awu su runia. Sasangngon pabbiaṛṛanni ite sarun mabbelengnga ringannu Ruata. Ete i Tou apan nangonggolla naola'a al᷊amatta.

YEREMIA 18:6

“Ei uma-U, ṛatadde i Ya'u tawe maal᷊anginna si yamiu ere apan niola'u mandarunna urinna udde ringannu leta'a maddeetta? Ere leta'a mareetta sulal᷊ummu liman mandarunna urinna, aroddi lai i yamiu sulal᷊ummu lima-U.

ROMA 9:21

Wal᷊inewe taumata apan na'ola'a tampa m bunga udde na'ola'a leta'a udde walate apulun naungngi tou? Wuassu sangkompenga leta'a taumata udde nallanginnu tampan bunga udde darua hatine; sambau mapia wuṛṛu sambau lai tawe tumaniten mapia.

YESAYA 45:9

Nasilakate taumata apan uatatiakku Mandariaddine; i tou naal᷊ihidda urinna apan nilumawangnga taumata mallal᷊anginne. Apa leta'a maddeetta maiwal᷊o su mandarunna urinna, “Ma'urate i'o?” Apa urinna sussal᷊iomanna manungku ma'aolangnge tawe asingkatta?

DARALO 106:4

Naungewe i ya'u, oh Mawu, ana waugu apapia-Nu su al᷊aṛang-Ngu, ontol᷊ewe i ya'u lai napawe I'o manal᷊amatta si mangitou.

DARALO 90:3

I'o nandolokku taumata niapawelenga su pina'olaanne, nabbal᷊i awu ere paarorone.

DARALO 89:47

Sara apa tempone I'o ma'imbuni, oh Mawu? Sara tingngera asasa'u-Nu lukkenggamma ere putungnga?

DARALO 25:18

Ellehewe sansara wuṛṛu asasusa'u, wuṛṛu ampungewe anambon rosa'u.

DARALO 22:15

Ikka'u nasuete naal᷊ihidda ua'e nabboso, anambon duṛṛi'u napallossa wuassu pabbuuanne, naungku nonossa ere lilinna.

AYUB 17:14

Labbingku isaggo'u “Iamangku”, wuṛṛu manga ul᷊idda u'inassa waddangku ta'u isaggo “Inangnga” wuṛṛu “Wawine'u”.

AYUB 7:7

Naungete, oh Mawu, wia'u tumba'u paassa sumangngo; lal᷊umanna'u nawul᷊i, tawe lannangnge.

2 KORINTUS 4:7

Arawe darotongngu surga apan maṛṛamaga udde iaapiddi yami su wadangngi yami apan tawe aregane indi apan niola'a wuassu leta'a. Ringannu aroddi nilumiatta'e manungku awawantugu taṛṛino udde su Ruata wal᷊ine si yami.

AYUB 4:19

Nangillembote lai riadianna sussangngo wuassu leta'a riadianna awu apan wotongnge passu'anna itaddilla ere wa'u'a!

AYUB 7:21

Apa I'o tawe mapangampungnga rosa'u? Tawe wotongnge I'o mapamappassa pasasal᷊a'u? Ete addio'a lai i ya'u lumallowangnga su lal᷊abbinganna, ne amungkangngu I'o maddea'a si ya'u, i ya'u tate asombangan-Nu.”

AYUB 10:10

I'o namalan iamangku nallangingku wuṛṛu I'o nabbuwunna si ya'u sulal᷊ummu illoṛṛon inangnga.

AYUB 33:6

Su Ruata, i'o wuṛṛu i ya'u tawe paṛṛalane wuassu leta'a abbi iaddua niolang-Nge.

AYUB 34:15

ne matete anambon riadianna sarangkanambone apan pia niawane, wuṛṛu taumata maola'a awu ere su panattaṛṛanne.

DARALO 78:39

I Tou mannaungnga manungku i mangitou tumba'u riadianna apan wotongnge mate, naal᷊ihidda anginna apan sinumabbi wuṛṛu tate mabelengnga.

DARALO 104:29

Napawe I'o manaile, i mangitou nata'utta; napawe I'o manganu sasangngone, i mangitou mate, wuṛṛu mawelengnga mabbal᷊i awu ere paarorone.

DARALO 103:14

Ana waugu Mawu masingkatta i ite niola'a wuassuapa, i Tou maanaungnga i ite indi tumba'u awu.

YESAYA 64:7

Taweddu niumal᷊iomanna Si'o, ara'e maddorongnga a'ontolla Si'o, ana waugu I'o mammunin hati-Nu si yami, wuṛṛu namalang kami pappateannu rosang kami.