AYUB 10:22 - WUKE SUSI WATTI'U AL᷊AL᷊USASSA

²² wanua apan mal᷊abbukka, napenen linta'u wuṛṛu aal᷊iba'ukka, isudde asasemakka uasul᷊ungngu ararandumma.”

AYUB 10:22 Referans Kwoze

LUKAS 16:26

Wuṛṛu lai, su wallatti ite suete niola'a sambau rampissa mal᷊oangnga, tadea'u taumata wua isindi tawe maaranta poiaroddi, wuṛṛu taumata poiaroddi tawe maaranta isindi!’

YEREMIA 13:16

Mawu Ruatanu ṛinone wantuhannu tantal᷊anna i Tou taambe nandantan ararandumma, wuṛṛu leddanu matara su panenteanna, su taambe asasemakka apan aantimannu waluan-Ne mabbal᷊i wasatuudda.

YEREMIA 2:6

I Ya'u tate pandumanna; i Ya'u, apan buatte nangehetta si mangitou su lal᷊anna, wuṛṛu nangapiddi mangitou sinumabbangnga wuassu Mesir niumamattu wadda'u anne, wageangngu leta'a maṛṛasa apan manambo liobbongnge, see lai mamara wuṛṛu ma'asilaka – wadda'a apan taweddu uatana'a wuṛṛu tawe amatanna!

DARALO 88:12

Apa darangngu-Nu niapasingkatta sulal᷊ummu labbinga, wuṛṛu apapia-Nu sutampan papate?

DARALO 44:19

Naungngi yami tawe mangawusu Si'o; tita-Nu tawe abul᷊iananni yami.

DARALO 23:4

Salaiwe i ya'u u'amatta su wawal᷊anne apan marandumma, i ya'u tawe mata'uttu asasilaka, ana waugu I'o uaringanna si ya'u. I'o uatillumma si ya'u naal᷊ihidda sangkatou mallal᷊u'adda uatillumma dombane ringannu ta'inna wuṛṛu pal᷊o-pal᷊o.

AYUB 38:17

Buattewe pia taumata nanta'e si'o ngara wahewalla su saruannu runian papate apan marandu-randumma?

AYUB 34:22

Tawe ararandumma, salaiwe wasa tuudda, apan wotongnge mapamunin taumata marosa.

AYUB 3:5

Olaawe allo udde ma'itumma uarallamma, wasa tuudda, mal᷊abbukka wuṛṛu mawol᷊a; oopeten winabbawa wuṛṛu rallamma, lindumete wuassu semakku matannallo.

AYUB 3:13

Unnuwisara sutempo udde i ya'u nate, ne i ya'u mattiilla wuṛṛu mangillol᷊o ringannu matammudda,

AYUB 10:21

Tate mal᷊annu lai i ya'u inaite wuṛṛu tate mabbelengnga apia, mattuddan banua apan marandumma wuṛṛu tumaniten mal᷊abbukka,

AYUB 11:1

Wua'udde i Zofar nabbisara, “Talawe wawahia udde pia sasimbakke? Apa ṛinone taumata apan tal᷊imoṛṛonganna udde iapaṛṛino?

AYUB 17:13

Tumba'u runian papate apan aantimangku, poiaroddi i ya'u sarun matiilla sulal᷊ummu ararandumma.

DARALO 88:13

Apa piaddu maasingkatta al᷊aṛṛindu'u Mawu sulal᷊ammu ararandumma, ara'e apapia-Nu su wanuan taumata apan tinimbul᷊iananna?

MANNANASE 9:10

Pammanarate al᷊awo'u manaranu ringannu anambon auatannu. Ana waugu sal᷊immurine tate lai ṛingiranna wuṛṛu manara. Tate apende wuṛṛu asingkatta su runian taumata nate. Wuṛṛu ete poiaroddi i'o sarun inai.