ANTARI MAWANTUGA 8:8 - WUKE SUSI WATTI'U AL᷊AL᷊USASSA

⁸ I yami pia sangkatou tuari wawine apan ta'e addio'a susune. Apate apan ṛinone olaanni yami si tou amungkangngu piaddu rumanta mangonokka si tou?

ANTARI MAWANTUGA 8:8 Referans Kwoze

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

DARALO 2:8

Padorongke, ne anambon walahanna Ta'u ionggola Si'o, wuṛṛu ahewallu runia Ta'u olaanna pussaanu.

WATTI'U MANGA RASUL 22:21

Arawe Mawu nabbisara apia lai si ya'u, ‘Roote, ana waugu i Ya'u sarun mandolokku inai su tampa apan marau ringannu manga taumata apan wal᷊ine Yahudi.’ ”

WATTI'U MANGA RASUL 16:9

Ṛabbine su Troas, i Paulus nissondapanna. Sulal᷊ummu sondapa udde i tou naasilo taumata Makedonia uarisikka su saruanne lapiddu sussal᷊ande tadea'u i tou lai inai watukku Makedonia mantul᷊ungngi mangitou.

WATTI'U MANGA RASUL 10:1

Su Kaisarea pia sangkatou esakka aranne i Kornelius. I tou sangkatou apitennu “Tantaran Italia”.

WATTI'U MANGA RASUL 7:38

Ete i Musa lai apan su pattangngannu walahannu Israel su wadda'a, naola'a uatangnga mala'ekatta apan mabbisara si tou su Wowon Sinai ringannu iupungngu al᷊amonang kite. Ete i tou apan nanengkamma watti'a apan wiakka wuassu Ruata niapaasingkatta si ite.

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

LUKAS 19:44

I mangitou sarun maṛṛimunsa'a si'o wuṛṛu anambon tumanangngu; wuṛṛu tawedu saran sambau itantangngi mangitou watu uaatokka su tampane, ana waugu i'o tawe manutukka tempone Ruata rumanta manal᷊amatta si'o!”

YEHEZKIEL 23:33

Mangkon iaangngu Samaria, lal᷊oṛṛoannu atata'utta wuṛṛu ahahohakka. Napawe i'o ma'inumma anambon lal᷊oṛṛone i'o sarun iwu'anne wuṛṛu matataṛṛangnga. Wuṛṛu ringannu manga pesangngu mangko udde i'o sarun manggesa'a sabbangngu. I Ya'u, Mawu Apan Atanggaṛṛanne buatte nabbisara.”

YEHEZKIEL 16:61

I'o sarun maanaungnga wuṛṛu maapendamma asasili sutempo manga tuṛṛangngu Ta'u iwelengnga ringannu. I mangitou sarun Ta'u oala'ana ere manga anangngu, salaiwe olangnge udde tawe nasutta sulal᷊ummu pa'aire-U si'o.

YEHEZKIEL 16:46

Iaangngu uddewe Samaria su sawannakka ringannu anambon ampungnge. Wuṛṛu tuarinu uddewe Sodom su timukka ringannu anambon ampunge.

YEHEZKIEL 16:7

I Ya'u nanganu ua'e ana see Ta'u niukkassa daṛṛa wuassu waddangngu. Ta'u niraddassa awangngu ringannu lanan zaitun. Ta'u niwuwunna i'o ere sasuanna apan masuwukka. I'o tinumuwo mal᷊ihakka, sehatta wuṛṛu mal᷊angkassa, see naola'a sangkatou maṛṛuala. Susunu mannattakke tuttuwo wuṛṛu utangngu mal᷊o'engnga, arawe i'o tantol᷊e. Sutempo i Ya'u sinumabbi apia, i Ya'u naasilo manungku nia'omante tempone matatunanga. Ta'u niluṛṛe juba-U su waddangngu apan uatantol᷊e, wuṛṛu Ta'u pina'ire pattatunga-U si'o. Ore, i Ya'u na'ire paa'awingnga ringannu, wuṛṛu i'o mabbal᷊i tatahuanang-Ku. I Ya'u, Mawu Apan Atanggaṛṛanne buatte nabbisara.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

ANTARI MAWANTUGA 8:10

I ya'u indi sambau darandunga, wuṛṛu susu'u candine. Arangnguangku masingkatta manungku si tou i ya'u su lal᷊umanna'a.

ANTARI MAWANTUGA 7:3

Susunu naal᷊ihidda ana'u rusa darua, kijangnga ṛindua.

ANTARI MAWANTUGA 4:5

Susunu naal᷊ihidda ana'u rusa darua, ana'u kijangnga ṛindua apan tantal᷊anna mannioma suwallattu manga bunga hal᷊ohomma.

ANTARI MAWANTUGA 8:9

Unnu wisara i tou sambau darandunga, sarun iaparisikki yami candi sal᷊a'a al᷊iu rosone. Unnu wisara i tou sambau ngara mal᷊oangnga, sarun tandaanni yami ringannu alu cemara.