ANTARI MAWANTUGA 8:2 - WUKE SUSI WATTI'U AL᷊AL᷊USASSA

² I'o sarun ta'u iapidda su wal᷊en inangku, tadea'u i'o wotongnge mangaṛṛa'a si ya'u. I'o ta'u iapa'inumma anggore mawangngi, wuṛṛu ua'e wuan delima.

ANTARI MAWANTUGA 8:2 Referans Kwoze

ANTARI MAWANTUGA 3:4

Wakkute ta'u nitantangnga i mangitou, i ya'u massomba tatuno naungku. Aagasangku i tou, wuṛṛu tawe ta'u ipallossa na'oman sara ta'u niapidda su wal᷊en mama'u, su wabbo'an taumata apan nanungkangku.

ANTARI MAWANTUGA 7:12

Weette iaddua maṛṛanggapa inai su wailla, wuṛṛu ma'ellega tanne punnu anggore nallal᷊uwote, tanne punnu delima nakkuangke. Poiaroddi i ya'u sarun mangonggollu naungku si'o.

ANTARI MAWANTUGA 4:10

Atemangnga eteapa apulunu, tuari, pare'u, mattemanganna marau wuassu anggore. Lananu mawangngi mammammu'a, nanampal᷊iu wuassu al᷊awo'u hatin rampa.

GALATIA 4:26

Arawe Yerusalem apan su surga eteudde Yerusalem wal᷊ine allangnga, wuṛṛu eteudde inangngi ite.

2 TIMOTIUS 3:15

I'o ṛinone mannaungnga manungku ro'en ta'e dario'a i'o masingkaten Wuke Susi. Wuke Susi udde wotongnge mangonggolu pasasunna si'o tadea'u maasomba asasal᷊amatta sulal᷊ummu pangangimanna si Kristus Yesus.

YOHANES 5:39

I yamiu mangngurumma Wuke Susi ana waugu mangngantimma manungku ringannu olangnge udde i yamiu maatahuanna wiakka tutune wuṛṛu saran mal᷊annu-l᷊annu. Wuṛṛu Wuke Susi udde sassane mattiala su ola'u riri-U.

ANTARI MAWANTUGA 7:9

moṛṛongngu naal᷊ihidda atemangngu anggore! Wala'e anggore udde mangelekka ringannu arangnguangku, ringannu tawe illol᷊one; wuṛṛu mapasabbangngu apulun naungnga, ewe'e lai taumata apan tantal᷊anna mattiilla.

AMSAL 9:2

I tou buatte nakkata winatangnga olaanna andeangnga, namakkan ua'en anggore wuṛṛu nangimbeng kanna.

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

2 PETRUS 1:19

Ana waugu udde i yami lembon mangngimanna lai tanatan Duata apan ipaasingkatu manga nabi. Mappianne i yamiu mangngimanna tanata udde, ana waugu tanata udde ere sol᷊o apan mannemakka tampa marandumma madatingngu matannallo sumabbanga, wuṛṛu semakku aṛṛusuallo manemakka lal᷊ummu naungngu.

ANTARI MAWANTUGA 8:1

Ei, unnuwisara i'o tuṛṛangku sidutu, apan buatte sinumusu su inangku, i'o sarun ta'u ari'anna napawe massomba su lal᷊anna, taweddu apan mangal᷊uandaga si ya'u.