ANTARI MAWANTUGA 5:10 - WUKE SUSI WATTI'U AL᷊AL᷊USASSA

¹⁰ Arangnguangku maṛṛansanga wuṛṛu maṛṛamaga, mappianne wuassu siri mapul᷊o ṛiwu su atoune.

ANTARI MAWANTUGA 5:10 Referans Kwoze

DARALO 45:2

Manga wisara maṛṛamaga sinumabbanga wuassu naungku, antari'u nionggola sasamba su ratu. Naal᷊ihidda penan sangkatou panden bisara, lila'u nasaddiate maapasabbangu sasanato'a.

DARALO 45:17

I'o, ratu'u, sarun maasomba manambo ana'a esakka iapa'ianna su adderan araratuannu iupungngu al᷊amonanu. I mangitou sarun ta'u olaanna tembonanne su ahewallu runia.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

IBRANI 2:10

Atonna su ṛinonete Ruata – apan nandiaddi ul᷊ilimpati'uppa ringannu panduman-Ne sassane – nandiaddi Mawu Yesus mananal᷊amatta apan nasuungnga sulal᷊ummu asasusa. Ringannu aroddi Ruata wotongnge mangahe taumata nambo iapawantuga suadio'a ringannu Mawu Yesus. Ana waugu ete i Tou mamamu'a lal᷊anna si mangitou tadea'u wotongnge iapaasal᷊amatta.

KOLOSE 1:18

Ete i Tou tembonannu wuassu wadang-Nge, eteudde jamaatta, ana waugu ete i Tou punnu pabbawiakku jamaatta udde. Ete i Tou Ana'a pahul᷊une, apan paarorone niapaawiakka apia wuassu papate, tadea'u i Tou sassane apan maola'a apianne wuassu al᷊awo'u riadianna.

ROMA 9:5

Ete i mangitou udde papapulunna wuassu iupungngu al᷊amonan kite. Kristus su olangnge ere sangkatou taumata wuassu walahanni mangitou. I Tou lembon atanggaṛṛanne wuassu sarangkanambone. Paddalote Ruata sarangkal᷊o'engnge! Amin.

ANTARI MAWANTUGA 2:1

I ya'u tumba'u bunga rosi wuassu Saron bunga hal᷊ohomma su manga wawal᷊anne.

1 SAMUEL 16:12

Ana see i Isai nandolokken sangkatou niapawago ana'a udde. Wutte'e i tou sangkatou saṛṛen tumuwo apan matohassa wuṛṛu tawe sangkulle, wuṛṛu matane maṛṛansangnga. Ana see Mawu nabbisarate si Samuel, “Ete i tou indi; teneha'e i tou!”

TAHIUL᷊E 32:31

Seettu Israel masingkatta manungku mallal᷊u'addi mangitou tawe ere Ruata mallu'addu Israel.

YESAYA 66:19

I Ya'u sarun mangaddon sambau tatiala su pattangnganni mangitou. Sambageanganna addio'a suwallatti mangitou Ta'u iapaasal᷊amatta. I mangitou sarun Ta'u irolokka ringannu manga walahanna su manga wanua marau apan taambe saran paassa naaringikka si Ya'u ara'e naasilo awawantuga wuṛṛu taṛṛino-U: watukku Spanyol, Libia, wuṛṛu Lida ringannu manga mamamitingnge apan masiṛṛongnga, watukku Tubal wuṛṛu Yunani. I mangitou sarun mamasingkattu awawantu-Ku su pattangngannu manga walahanna udde.

YESAYA 59:19

Taṛṛino wuṛṛu awawantu-Ge sarun ia'ata'uttu anambon taumata wuassu ra'i maddatingngu waṛṛatta. I tou sarun dumanta ere sal᷊ukka apan masassagga apan tattiupannu anginna ma'ikkatta.

YESAYA 10:18

Manga mahurangnga maappalla wuṛṛu manga wawail᷊anna masuwukka su wanua Asyur sarun mawinasa abbi-abbi, naal᷊ihidda taumata maradda'a uatataṛṛangnga ma'oman sara mate.

LAL᷊ALLU 4:7

Dorone manga piaṛṛa'i yami waresi ere sangeranna apan mawira waresi. I mangitou uatagekka wuṛṛu matohassa, waddangnga mapia tawe maradda'a.