ANTARI MAWANTUGA 2:14 - WUKE SUSI WATTI'U AL᷊AL᷊USASSA

¹⁴ O merpati'u su manga wallattu watu su pa'imbuniannu wawal᷊anne pia rampissa, wala'e i ya'u ma'ellega hatinu, wuṛṛu maddaringikka tingikku, ana waugu hatinu maṛṛamaga, tingikku matelengnga.

ANTARI MAWANTUGA 2:14 Referans Kwoze

ANTARI MAWANTUGA 1:5

Salaiwe ma'itumma, i ya'u maṛṛamaga, ore manga maṛṛualan Yerusalem; ma'itumma ere manga rasannu Kedar, arawe maṛṛansangnga ere manga pampele su wal᷊en araratuanni Salomo!

ANTARI MAWANTUGA 8:13

Ei, tumatana'a su wailla, manga mappulu maddaringikka tingikku!

ANTARI MAWANTUGA 5:2

I ya'u mattiilla, arawe naungku uatehamma. Paddaringikke, arangnguangku mannengkella ngara. Wu'ate ngara, tuari, arangnguangku, merpati'u, tatuno naungku; pua'u naṛṛolo ana waugu wal᷊angngukka, uta'u napenen ṛente'u wal᷊angngukku ṛabbi.

SASABANGNGA 3:6

I Ya'u indi Ruatan iupungngu al᷊amonanu, Ruatan Abraham, Ishak wuṛṛu i Yakub.” Ne i Musa nallindumma hatine, ana waugu i tou matta'utta ma'ellega Ruata.

SONDAPPA 5:8

Tantal᷊anna Ana'u Domba udde ma'ola'a aroddi, inumaruutta sire appata riadianna udde wuṛṛu sire ruam pul᷊o appata piaṛṛange udde su saruan-Ne. I mangitou sangkatou-sangkatou uaaggasa kecapi wuṛṛu mangko wul᷊awanna lal᷊oṛṛoannu amania, eteudde manga aal᷊iomannu walahannu Ruata.

IBRANI 4:16

Ana waugu udde, wette i ite ringannu awawaṛṛani sumaruanna Ruata apan mammarenta ringannu naungnge mapia. Ruata sarun umakkana wuṛṛu mangal᷊amatta si ite tadea'u i ite maasomba tul᷊unganna maṛṛino su tempone.

OBAJA 1:3

I'o niaawusuannu naungngu apan mawunga. Inangngu soanu uddewe wowon batu apan matohassa; tampa tatanaannu su puiddu wowone apan matanggakka. Ana waugu udde i yamiu maṛṛingidda, ‘Isai apan wotongnge mangema'u?’

YEHEZKIEL 7:16

Sambageanganna sarum maralukka wuṛṛu tumal᷊angngu watanganne su panenteanna. Isudde i mangitou sarun maola'a ere manu'a merpati apan lallimbuaṛṛanna wuassu manga wawal᷊anne; sarangkanambone sarun sumal᷊iomanna ana waugu manga rosa mangitou.

YEREMIA 49:16

I'o niawusuannu awawunganu. Taweddu mata'unnu ere su sunnanu. I'o uatana'a su manga wallattu watu, marau su puiddu wowone. Arawe, salaiwe i'o ma'ola'a wal᷊enu sutampa apan atanggaṛṛanne, ere atanggakku salakku manu'a asiaṛṛe, Mawu sarun mapal᷊intukku wua isudde. Tumba'u Mawu apan namasingkattu sarangkanambone udde.”

YEREMIA 48:28

I yamiu tumana'u Moab, tantanga'e manga soanu wuṛṛu atana'e su wuiddu watu ere manu'a merpati ma'ola'a sal᷊akke su rampissa ilingnga.

YESAYA 60:8

Apate udde apan tuttalla'a ere winabbawa naal᷊ihidda merpati apan tantal᷊anna tuttalla'a mapul᷊e?

YESAYA 51:3

Yerusalem, i Ya'u sarun malluassa si'o, wuṛṛu sarangkanambone apan uatana'a su winalal᷊annu. Manga wadda'a apan mamara Ta'u olaanna wailla, naal᷊ihidda Eden, wawail᷊ang-Ku apan masuwukka. Isudde taumata sarun lumuassa wuṛṛu lumala'a wuṛṛu ma'adiangkamanna ringannu manga aantari.

ANTARI MAWANTUGA 1:15

I'o maṛṛamaga atonna tatuno naungku, tumaniten maṛṛamaga i'o! Matanu naal᷊ihidda merpati.

YUDAS 1:24

Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

1 PETRUS 3:4

Arawe ṛinone araṛṛamagu lumapputa wuassu lal᷊ummu naungngu, pallal᷊agunu apan masaṛṛionto'a wuṛṛu matammuda; ana eteudde araṛṛansangnga apan tawe panginsueanne wuṛṛu lembon maarega su aellegu Ruata.

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

KOLOSE 1:22

Arawe orassa indi, ringannu papaten Anang-Nge, Ruata na'ola'a paa'aukki yamiu ringanni Tou maola'a mapia apia. Ringannu olangnge udde i yamiu wotongnge iapidda sumaruanna Ruata sulal᷊ummu asasuungnga, atatul᷊idda wuṛṛu tawe sal᷊ane.

EFESUS 5:27

Ringannu aroddi Kristus napararisikku jamaatta udde ringannu mawantuga wuṛṛu na'ukkassa su saruan-Ne, ringannu tawe sangkule ara'e angngone.

MATIUS 10:16

“Daringiṛṛe paapia indi: i Ya'u nandolokki yamiu naal᷊ihidda domba apan tawe auatanne su wallattu serigala mal᷊aṛṛaga. I yamiu ṛinone paatehamma ere atoanna wuṛṛu matul᷊idda naungnge ere merpati.

MATIUS 3:16

Napawe suete nissaṛṛani, Mawu Yesus mal᷊iha-l᷊ihakka sinumapputta wuassu ua'en sal᷊ukka udde. Inaṛṛombanganne langitta nawu'a wuṛṛu Mawu Yesus naasilo Ghaṛṛahon Ruata niumonto'a ere manu'a merpati niumarunna si Tou.

DANIEL 9:7

Oh Mawu, manara-Nu sidutu naṛṛino wuṛṛu matul᷊idda, arawe i yami sidutu mandantan asasili su watangani yami, eteudde i yami sarangkanambone apan uatana'a su Yudea wuṛṛu su Yerusalem wuṛṛu anambon taumata sambalahanni yami apan buatte nisal᷊iawukku Mawu watukku manga wanua apan marau wuṛṛu marani ana waugu i mangitou tate matuṛṛutta su Mawu.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

ANTARI MAWANTUGA 1:8

Ṛatadde i'o waggan tampane, ei i'o aṛṛamahanne suwallattu wawine? Pallaṛṛenggente lanna'u amatannu amul᷊annu domba wuṛṛu lu'arete manga ambingu maranin paddasanannu manga mallal᷊u'adda.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

DARALO 110:3

Su allo apan rumanta ringannu taṛṛino, su wuidda apan susi, tumana'u soanu sarun inai ringannu naungnga mal᷊uassa. Naal᷊ihidda angngukka sutempo marua allo, manga umbasanna rumantate ringannu.

DARALO 74:19

Arie panantillu al᷊aṛṛanang-Ngu apan tawe maal᷊ore su liman seetta apan maṛṛagissa. Arie sarangkal᷊o'engnge maabul᷊in asasusan al᷊aṛṛanang-Ngu.

DARALO 68:13

“Manga ratu wuṛṛu tantarane tinumal᷊angke!” I mangitou tinumal᷊angnga naal᷊ihidda merpati tinumalla'a marau. Manga wawine su wal᷊en mattahia, sal᷊a'a wuṛṛu wul᷊awanna apan nitantanga. Salaiwe manambo apan tawe tinumantalonga napapangalo, al᷊aṛṛana'u Ruata naasombate auntunganna.

DARALO 50:23

Taumata apan mangonggolu sasamba adiangkamanna maola'a sasambane, ete i tou udde mangngaddata si Ya'u; wuṛṛu su taumata apan mannaddia lal᷊anna sarun Ta'u ipantingidda asasal᷊amatta wuassi Ya'u.”

DARALO 45:11

Ei Maṛṛuala ana'u ratu, paaddaringikke manga wisara'u, timbul᷊ianete walahanna wuṛṛu ṛuangannu hawenu.

DARALO 22:3

Oh Ruata'u, i ya'u sussal᷊ande Si'o sutempo allo, arawe I'o sidutu mal᷊annaba. I ya'u u'al᷊iomanna sutempo ṛabbi, naungku tawe lai matammuda.

AYUB 9:16

Unnuwisara i Tou sumimbakka napawe i ya'u sumal᷊ande, i ya'u uapapaddua, atonnawe i Tou maapulu maddaringikka tingi'u?

DARALO 45:12

Al᷊aṛṛamagu maasaṛṛimbuatta naungngu ratu, i tou tuangngu, passuṛṛubawate si tou.