ANTARI MAWANTUGA 1:6 - WUKE SUSI WATTI'U AL᷊AL᷊USASSA

⁶ Arie pa'innunu pisi'u ma'itumma, ana waugu i ya'u nal᷊akkabbu paddissa. Manga iaangku esakka massa'u si ya'u, wuṛṛu nandolo'u mammanara su waillu anggore; i ya'u tawe tempo ipamaddul᷊i watangangku sassane.

ANTARI MAWANTUGA 1:6 Referans Kwoze

DARALO 69:8

Ana waugu ete I'o i ya'u nilobbosasa, ana waugu I'o i ya'u niapasal᷊a.

AYUB 30:30

Pisin baddangngu nabbal᷊i ma'itumma; waddangku natutungngu sal᷊ihamma.

GALATIA 4:29

Su tempo udde ana'a apan niasungkanga tumuṛṛuttu apulun taumata, mammate ana'a apan niasungkanga ana waugu apulun Ghaṛṛahon Duata. Aroddi lai orassa indi.

WATTI'U MANGA RASUL 14:22

Su manga soa udde i mangitou mannohassa naungngu mallal᷊aṛṛenggennu Mawu Yesus wuṛṛu mannantiro mallal᷊aṛṛenggenna udde tadea'u sidutu mangngimanna Mawu Yesus. “I ite ṛinone matataṛṛangnga rorone, wakkute udde i ite wotongnge mamendamma al᷊al᷊uassa su Runian Wakku Ruata,” aroddi manga rasul udde mangngaṛṛa'a manga mallal᷊aṛṛenggennu Mawu Yesus su soa udde.

MARKUS 4:6

arawe su tempo matannallo matanggakka, manga tatuwone udde mannattakke tuttolangnga wua'udde naṛṛangu wuṛṛu nate ana waugu ṛamunne tawe nusippa mal᷊al᷊umma.

MATIUS 10:25

Naṛṛinote amungkangngu sangkatou ana'a si'ol᷊a maola'a ere hurune, wuṛṛu sangkatou mangangimbe maola'a ere mawune. Amungkangngu pa'ihaguranganna su wal᷊e aranne ete nisaggo Beelzebul, lembonete lal᷊oṛṛon bal᷊ene. I mangitou sarun onggol᷊annu aranna aral᷊eoane lai!”

MATIUS 10:22

I yamiu sarun ia'arantinnu anambon taumata ana waugu i yamiu mallal᷊aṛṛenggeng-Ku. Arawe taumata apan matataṛṛangnga ma'oman sara panginsueanne sarun iapaaralukka.

MIKHA 7:6

Ana waugu, sutempo ereindi lal᷊oṛṛon bal᷊e lai uasaseetta; ana'a esakka mallobbossa iamangnge, ana wawine lullawangnga inangngene, wuṛṛu manambo wawine uatatiakku la'iananne.

LAL᷊ALLU 4:8

Arawe orassa indi hatin mangitou ma'itumanna wuassu parumma uatal᷊allada su manga lal᷊anna taweddu maaillal᷊a si mangitou. Pisin mangitou naal᷊umpissa su manga duṛṛi, ere alu apan naaigga.

YEREMIA 12:6

I'o buatte nil᷊al᷊eo ewe'e wuassu tuṛṛangngu sassane; i mangitou lai suadio'a mammangalo si'o. Arie pangimanna si mangitou salaiwe wisara mangitou matemangnga.”

YEREMIA 8:21

Naungku naṛṛimunsa'a ana waugu walahangngu maradda'a mawakkatta; i ya'u lullal᷊o wuṛṛu u'ambul᷊isadda.