AMSAL 8:29 - WUKE SUSI WATTI'U AL᷊AL᷊USASSA

²⁹ sutempo i Tou namarenta ua'en tahal᷊oangnga tadea'u imbaṛṛangnga lumewessa manga passaranne. I ya'u lai isudde sutempo apampakku runia niwilan-Ne.

AMSAL 8:29 Referans Kwoze

DARALO 104:9

I'o nanantunna manga passaranna apan i tou tawe maal᷊iu, tadea'u tawe maawelengnga mangammon dunia.

YEREMIA 5:22

Ete i Ya'u Mawu; anio i Ya'u tawe iata'utti yamiu? Ṛinone i yamiu mangngindo su saruang-Ku! Ete i Ya'u apan nallanginnu apanne apan naola'a sasaran tahal᷊oangnga apan tawe al᷊iuanna saran mal᷊annu-l᷊annu. Tahal᷊oangnga wotongnge mattandi'a wuṛṛu walladde mandi'uṛṛungnga, arawe tawe maal᷊iu passaranne udde.

DARALO 104:5

Ringannu matohassa runia nipararisik-Ku su sasarianne, na'oman sara tawe umio'a sarangkal᷊o'engnge.

DARALO 33:7

Anambon ua'en tahal᷊oangnga niammuli Tou su sambau tampa, laudda mal᷊alangnga nitaṛṛangan-Ne ere pinassaranna.

AYUB 26:10

I Tou nangngambaru harissa mal᷊imbulunna uaal᷊ungnga tahal᷊oangnga tadea'u ipaṛṛaen asasemakka wuassu ararandumma.

AMSAL 8:28

sutempo Mawu nangaddon binabbawa su winalanganna, wuṛṛu manga matan ua'e su tahal᷊oangnga,

DARALO 136:5

Ringannu apande-Ne i Tou na'ola'a langitta; darangngu-Ne tawe panguddusanne.

AMSAL 3:19

Ringannu asingkatta, Mawu nandiaddi runia; ringannu darangngu-Ne i tou namilattu langitta su tampa-Ne.

YOHANES 19:22

Arawe i Pilatus sinumimbakka, “Apa ta'u niwoṛṛetta, udde aroddite.”