AMSAL 8:21 - WUKE SUSI WATTI'U AL᷊AL᷊USASSA

²¹ Taumata apan mandangngu si ya'u, ta'u olaanna ala; wal᷊ene ta'u paneannu darotongnga.

AMSAL 8:21 Referans Kwoze

1 PETRUS 1:4

I ite mangngantimma maatahuanna manga al᷊amatta apan suete nisaddian Duata su al᷊aṛṛanang-Nge, eteudde manga al᷊amatta apan niadone su surga, na'oman sara tawe mal᷊al᷊eo, ara'e mawukku'a ara'e mawulle.

MATIUS 25:46

Ne manga taumata udde sarun iṛṛuumanna ringannu ṛuumanna ma'oman sara mal᷊annu-l᷊annu, arawe manga taumata apan tuttuṛṛutta apulun Ruata sarun maapendamma pabbawiakka tutune saran mal᷊annu-l᷊annu.”

AMSAL 24:4

Wuṛṛu amungkangngu pia asingkatta, ne manga wabbo'ane sarun al᷊oṛṛoanna ringannu nasuungnga manga saranapa maarega wuṛṛu maṛṛansangnga.

PANDARIADDI 15:14

Arawe balahanna apan mangngallangnga papapulunnu udde sarun Ta'u iṛṛuumanna wuṛṛu su tempo papapulunnu manantangngu wanua udde, i mangitou sarun mangapiddu manambo darortongnga.

IBRANI 10:34

wuṛṛu i yamiu lai mammendama su sambau, asasusan taumata apan su tuttupanna. Wuṛṛu su tempo manga al᷊awo'a apan tatahuananni yamiu aṛṛoanna, i yamiu nanengkamma udde ringannu naungnga mal᷊uassa, ana waugu i yamiu masingkata manungku i yamiu ta'e uatahuanna sambau apan lembon mapia, apan mataṛṛanga saran mal᷊annu-l᷊annu.

AMSAL 1:13

I ite manganu manga saranapan mangitou apan maarega, tadea'u wal᷊en kite mapanen saranapa apan niaaṛṛo.

DARALO 16:11

I'o namantingiddu lal᷊anna si ya'u mattuddan asasal᷊amatta; ete wuassu Mawu i ya'u naasomba al᷊al᷊uassa apan nangillembo wuṛṛu lal᷊umanna'a saran mal᷊annu-l᷊annu.

1 SAMUEL 2:8

Wuassu asasusa Mawu namatunna taumata tawe darotongnge, wuassu asasahadda Mawu namallossu taumata lal᷊ebbone. I mangitou niola'a hawe manga ma'ala, wuṛṛu nionggol᷊annu manara apan a'addatanna. Rapappakku runia tatahuanannu Mawu, su wowone Mawu napararisikku runia.

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.

AMSAL 8:18

Si ya'u nasaddiate paa'ala see lai awawantuga wuṛṛu lal᷊umanna'a.

AMSAL 6:31

Wuṛṛu amungkangngu i tou niasametta i tou ṛinone mamaekka apia paapitu mallipa anambone; waugu i tou ṛinone awul᷊iannu al᷊awo'u darotongnga apan tatahuananne.

ROMA 8:17

Ne, amungkangngu ete i ite al᷊aṛṛana'u Ruata, ne i ite lai mananahuanna wurru sarun manengkamma manga al᷊amatta apan buatte nissaddian Duata su manga al᷊aṛṛanang-Nge. I ite sarun manengkamma suadio'a ringanni Kristus apa apan buatte nissaddian Duata si Tou; ana waugu amungkangngu i ite uatataṛṛanga su sambau ringanni Kristus, i ite sarun wantuhanna lai su sambau ringanni Kristus.

AMSAL 8:20

I ya'u uatantuṛṛutta lal᷊annu atatul᷊idda, i ya'u lullempangnga su lal᷊annu apapia.

AMSAL 10:22

Ana waugu tumba'u al᷊amattu Mawu taumata nabbal᷊i ala; mammanara maṛṛimadda tawe maatamba darotongnga.

AMSAL 15:6

Su wal᷊en taumata mapia pia manambo darotongnga; paa'alan taumata woddo nawul᷊in asasilaka.

AMSAL 21:20

Taumata pande sidutu uatatana'a su al᷊al᷊uassa wuṛṛu su paa'ala; arawe taumata woddo mabbasabbangngu darotongnge tawe deenganne.