AMSAL 8:20 - WUKE SUSI WATTI'U AL᷊AL᷊USASSA

²⁰ I ya'u uatantuṛṛutta lal᷊annu atatul᷊idda, i ya'u lullempangnga su lal᷊annu apapia.

AMSAL 8:20 Referans Kwoze

TAHIUL᷊E 5:32

Tuṛṛa-tuṛṛangku, paatuṛṛutta ringannu mapia al᷊awo'u parentan Mawu Ruatanu si'o. Imbaṛṛangnga lumawangnga saran sambau wuassu manga parenta udde.

DARALO 32:8

Wisaran Mawu, “I ya'u sarun mamantingidu lal᷊anna apan amatannu, i'o sarun Ta'u ehetanna wuṛṛu Ta'u tantiroanna.

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

AMSAL 6:22

Manga al᷊aṛṛa'i mangitou sarun mangehetta si'o sulal᷊ummu amatanna, mallu'adda si'o sutempo ṛabbi, wuṛṛu mangonggollu tatantiro si'o sutempo i'o mabbangunna.

AMSAL 3:6

Pannaungke Mawu sulal᷊ummu al᷊awo'u manaranu, ne i Tou sarun mamiaṛṛangngu lal᷊annu pabbiaṛṛanna apan mapia.

SONDAPPA 7:17

ana waugu Ana'u Domba apan ua'ianna su pattangngannu adderan araratuanna udde sarun maola'a mallal᷊u'addi mangitou. I Tou sarun mangehetta si mangitou watukku al᷊imatan ua'em pabbawiakka. Wuṛṛu Ruata sarun mamedda al᷊awo'u allo mata wuassu mata mangitou.”

YOHANES 10:3

Mandariaga tanda'a mammu'a ngara suttanni tou, wuṛṛu manga domba uatantalongnga tingikke su tempo i tou mammago si mangitou ringannu aranne sambau-sambau wuṛṛu mangngehetta si mangitou su liudde.

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

DARALO 23:3

I Tou nangonggola si ya'u atatohassa wakku, wuṛṛu nangehetta si ya'u su lal᷊anna apan naṛṛino, uasul᷊ungu paaire-Ne.

YESAYA 55:4

Mangke atonna, i tou Ta'u itenega piaṛṛa'a wuṛṛu panglima, tialan taṛṛino-U su manga walahanna.

AMSAL 2:9

Amungkangu i'o matuṛṛutta si ya'u, ana'u, i'o sarun maasingkatta sarangkanambone apan matul᷊idda, tawe awusune wuṛṛu mapia. I'o lai sarun maasingkatta ereapa lal᷊anne i'o mabbiakka.

AMSAL 8:19

Apan niasombangannu wuassia'u nangillembo wuassu wul᷊awanna tutune; maareganna wuassu sal᷊a'a tutune.

AMSAL 8:21

Taumata apan mandangngu si ya'u, ta'u olaanna ala; wal᷊ene ta'u paneannu darotongnga.

AMSAL 2:20

Ana waugu udde, ana'u, pangaṛṛusse tul᷊addan taumata mapia, wuṛṛu pabbiakke ere su apulun Duata.