AMSAL 8:18 - WUKE SUSI WATTI'U AL᷊AL᷊USASSA

¹⁸ Si ya'u nasaddiate paa'ala see lai awawantuga wuṛṛu lal᷊umanna'a.

AMSAL 8:18 Referans Kwoze

AMSAL 3:16

Asingkatta mangngonggollu uukka mal᷊o'engnga, paa'ala wuṛṛu awawantuga.

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

SONDAPPA 3:18

Ana waugu udde i Ya'u manantiro si yamiu tadea'u mamalli wul᷊awanna wuassia-U, eteudde wul᷊awanna apan apianne, tadea'u i yamiu maola'a ala. Pamallite lai laubba mawira wuassia-U tadea'u i yamiu pia peddeta wuṛṛu ipami'unte wadangi yamiu apan tantol᷊e wuṛṛu ma'asili. Wuṛṛu pamallite lai undama ipamuṛṛa matanu tadea'u i yamiu wotongnge maasilo.

FILIPI 4:19

Ruata apan sassubbangku, apan napenen paa'ala sulal᷊ummi Kristus Yesus, sarun manuungngu hausannu.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

2 KORINTUS 6:10

Salaiwe naungngi yami massusa, arawe i yami sidutu lulluassa lai. I yami aellehanna asiangnga, arawe i yami suete napaa'alan taumata nambo. I yami aellehanna tawe darotongnga, arawe su ṛinone i yami uatahuanna sarangkanambone.

LUKAS 12:33

Wal᷊ua'e darotongngu wuṛṛu anggil᷊a'e roinne su taumata asiangnga. Ola'e sulal᷊ummu ririnu tampan doitta apan tawe maṛṛenessa, eteudde darotongnga apan uaraddo su surga. Darotongnga udde tawe mawul᷊i ana waugu taṛṛa ta'o tawe maapanna'o wuṛṛu wiangnga tawe maahohakka.

LUKAS 10:42

arawe apa apan pia gunane tumba'u sambau. Wuṛṛu i Maria suete namile lembon apianne, apan tawe iaal᷊appa wuassi tou.”

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

AMSAL 11:4

Amungkangngu uasaruante papate, darotongnga tate gunane; wiakku sarun masal᷊amatta napawe naungngu masaṛṛionto'a.

DARALO 112:3

Amonanne sarun maala wuṛṛu su pabbawiakke, wuṛṛu i tou sarun su lal᷊umanna'a saran mal᷊annu-l᷊annu.

DARALO 36:6

Mawu, darangngu-Nu ere atanggaku langitta, wuṛṛu atatul᷊iddu Mawu naddatingu winabbawa.

AMSAL 24:4

Wuṛṛu amungkangngu pia asingkatta, ne manga wabbo'ane sarun al᷊oṛṛoanna ringannu nasuungnga manga saranapa maarega wuṛṛu maṛṛansangnga.