AMSAL 8:15 - WUKE SUSI WATTI'U AL᷊AL᷊USASSA

¹⁵ Manga ratu ta'u nisumbalanna mappaamattu manarane, manga tembonanne ta'u nitul᷊ungnga manohassa atatul᷊idda.

AMSAL 8:15 Referans Kwoze

ROMA 13:1

Suapan taumata ṛinone matuṛṛutta su tembonanne, ana waugu tawe tembonanne apan tawe naasomba taṛṛino wuassu Ruata. Wuṛṛu tembonanne apan uaparenta orassa indi, mappaamattu manarane wuassu darolokku Ruata.

DANIEL 2:21

Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”

DANIEL 4:32

I'o sarun limbuaṛṛanna wuassu ammul᷊annu tumana'u soa, wuṛṛu mabbiakka manga winatangnga su wadda'a. Al᷊annune pitu tona i'o sarun umanna nannal᷊o ere sapi. Wua'udde i'o sarun manga'u manungku Ruata Apan Atanggaṛṛanne uataṛṛino su araratuannu taumata wuṛṛu araratuanna udde nionggollu Ruata su anambon taumata apan nipile-Ne.”

SONDAPPA 19:11

Wua'udde i ya'u naasilo surga nawu'a, see niasiloanna sambau awal᷊o mawira. Sumasa'e-Ne aranne Matuṛṛuta wuṛṛu Atonna. I Tou matul᷊idda sulal᷊ummu mangema'u ṛuumanna wuṛṛu sulal᷊ummu pangalo apan niolang-Nge.

DANIEL 4:25

Tuangku sarun limbuaṛṛanna wuassu ammul᷊annu tumana'u soa wuṛṛu mabbiakka sutangngan manga winatangnga su wadda'a. Al᷊annune pitu tonna Tuangku sarun umanna nanal᷊o ere sapi wuṛṛu mattiilla su lete'a mal᷊al᷊angnga, ma'oman sara maṛṛolon anggukka. Wua'udde Tuangku darun manga'u manungku Ruata Apan Atanggaṛṛanne uataṛṛino su aṛṛatuannu taumata, wuṛṛu araratuanna udde nionggollu Ruata su anambon taumata apan nipile-Ne.

YEREMIA 33:15

Sutempo udde sangkatou apan matul᷊idda wuassu papapulunni Daud sarun Ta'u pileanna maola'a ratu. Ratu udde sarun mammanara ringannu atatul᷊idda wuṛṛu naṛṛino su ahewallu wanua.

YESAYA 1:26

I yamiu lau sarun Ta'u onggol᷊annu manga mallaṛṛuungnga wuṛṛu manga manananantiro ere dorone. Ne Yerusalem sarun isaggo soa apan matul᷊idda wuṛṛu satia.”

DARALO 99:4

Taṛṛino ete Si'o, Ratu apan marangngu tita; I'o buatte napararisikku apapia; I'o buatte napaamattu tita wuṛṛu atatul᷊idda su Israel.

1 TAWARIKH 28:5

I tou nangonggolu manambo ana'a si ya'u wuṛṛu wuassu anambon ana'u udde i Tou namile si Salomo iapaparenta Israel, araratuannu Mawu.

1 MARARATU 10:9

Dalo so Mawu, Ruatan Tuangnga! Ringannu nanenegi Tuangnga naola'a ratun Israel, Mawu napal᷊iatta'a aroddi al᷊uanne i Tou si Tuangnga. Tawe panginsueanne i Tou mandangngu walahannu Israel; ana waugu udde i Tou namile si Tuangnga naola'a ratun mangitou, tadea'u i Tuangnga wotongnge mandisikku tita wuṛṛu atatul᷊idda.”

1 MARARATU 5:7

I Hiram mal᷊uassa atonna napawe naaringikka watti'a udde. I tou nabbisara, “Paddalote Mawu allo indi, ana waugu I tou nangonggolla si Daud sangkatou esakka apan lembon pande maola'a ratu su walahanna apan bahewalla udde.”

1 MARARATU 3:28

Sutempo walahannu Israel naaringikka putusanni Salomo sulal᷊ummu hatto udde, i mangitou tinumiangnga wuṛṛu mangngaddatta si tou. Ana waugu, nilumiatta'e manungku Ruata buatte nangonggolla si tou asingkatta tadea'u mammanara ringannu atatul᷊idda.

1 MARARATU 3:9

Ana waugu udde, Mawu, onggol᷊aawe si ya'u asingkatta apan ta'u pappandumanna ipamarenta uman-Nu indi ringannu atatul᷊idda wuṛṛu tadea'u masingkatta mamile suapa apan mapia wuṛṛu suapa apan dal᷊eo. Amungkangngu tawe aroddi, ereapa wotongnge i ya'u mamarenta uman-Nu apan wahewalla indi?”

1 SAMUEL 16:1

Manga pira tempo wua'udde Mawu nabbisara si Samuel, “Ta'e sangkura lai al᷊annune i'o massusa ana waugu i Saul? Wal᷊inewe i tou tate nia'u naola'a sangkatou ratun Israel? Orassa indi, panganute lanan zaitun wuṛṛu roote watukku Betlehem, ringannu sangkatou aranne i Isai, ana waugu suwallattu sangkatou anangnge buatte Ta'u nipile maola'a ratu.”

1 SAMUEL 9:17

Napawe i Samuel naasilo si Saul, Mawu nabbisara si tou, “Eteindi taumata apan Ta'u niwal᷊o si'o. I tou sarun mamarenta al᷊aṛṛana-U.”

2 TAWARIKH 1:10

Ana waugu udde onggol᷊aawe si ya'u apande wuṛṛu asingkatta apan ta'u pandumanna ipamiaṛṛa'i mangitou. Amungkangu tawe aroddi, ereapa i ya'u wotongnge mamarenta al᷊aṛṛanang-Ngu apan manambo indi?”

DARALO 2:10

Nariaddi panutukke, ei mararatu, paanaungete, ei manga tembonannu runia!

AMSAL 8:16

Ana waugu saha'u, manga tembonanne wuṛṛu manga papunna mammarenta wuṛṛu mappaamattu atatul᷊idda.

AMSAL 29:4

Amungkangngu tembonanne uaagassa atatul᷊idda, wanuane sarun matohassa. Arawe amungkangngu i tou wal᷊iun doitta, wanuane sarun manawo.

2 TAWARIKH 1:11

Ruata sinumimbakka si Salomo, “Darorongngu udde mapia. I'o tawe naddorongnga paa'ala ara'e darotongnga ara'e aaddata ara'e papaten manga seennu ara'e uukka mal᷊o'engnga su waddangngu sassane, ewe'e apande wuṛṛu asingkatta ipamarenta al᷊aṛṛana-U apan buatte Ta'u itantilla si'o.