AMSAL 7:8 - WUKE SUSI WATTI'U AL᷊AL᷊USASSA

^8-9 Napawe wawallote sutempo mannattake marandumma, umbasanna udde u'amatta maranin pappengannu lal᷊anna apan mattuddan tampa tatanaannu sangkatou wawine.

AMSAL 7:8 Referans Kwoze

YUDAS 1:23

Wol᷊engke taumata udde paasabbanga'a wuassu lal᷊ummu putungnga ana see i mangitou masal᷊amatta. Su saruannu manga taumata waine ṛinone i yamiu mapaal᷊iatta'u darangngu rarundinganannu apendama matta'utta, arawe arantinten sara lai laubbi mangitou apan napenen luhudu al᷊al᷊eo mangitou apan marosa.

2 TIMOTIUS 2:22

Pangindau manga lal᷊umanna'u taumata dario'a. Pabbiakke tumuṛṛuttu apulun Duata, paatuṛṛutta su al᷊aṛṛang-Nge wuṛṛu paarangngu taumata sansul᷊unga, wuṛṛu pia atatammudu naungnga. Pabbiakke aroddi suadio'a ringanni mangitou apan sussal᷊ande madorongnga tul᷊unganna su Mawu ringannu naungnga waresi.

1 KORINTUS 6:18

Pangindaute manga inolaanna sussandaga. Ana waugu anambon dosa waine apan niola'u taumata, nariaddi su liuddu wadangngu taumata udde. Arawe taumata apan sussandaga, udde mangal᷊ene ma'ola'a rosa lai su wadangnge sassane.

AMSAL 5:8

Linda'a wawine ereudde! Ewe'e arie lai mangundanin bal᷊ene.

MAL᷊AṚṚUUNGNGA 16:1

Su allo sambau i Simson inaite watukku Gaza. Poiaroddi i tou nassomban sangkatou wawine masandaga, ana see i tou inaite natiilla ringannu wawine udde.

AMSAL 7:27

Inai watukku wal᷊ene mangal᷊ene namile lal᷊anna maautta ipattuddan papate.