AMSAL 7:23 - WUKE SUSI WATTI'U AL᷊AL᷊USASSA

²³ tal᷊angkadio'a lai anaanna sarun mallappassa su atene. Ere manu'a tuttalla'a mattuddan sedda, aroddi lai umbasanna udde tawe maaṛṛangngo manungku niawane uasaruanna papate.

AMSAL 7:23 Referans Kwoze

MANNANASE 9:12

Taumata wagga tingngera tempone rumanta. Ere manu'u winalanganna nasongnganna wuṛṛu inassa nasomanna, aroddi lai taumata aṛṛiaannu asasilaka sutempo apan niawagananna.

AMSAL 9:18

I mangitou apan naola'a pabbawiakke wagga manungku taumata apan nattembo si tou naasangkalla papatene isudde; wuṛṛu i mangitou apan buatte sinumutta sulal᷊ummu wal᷊ene, orassa indi sulal᷊umpen runian taumata nate.

AMSAL 1:17

Sara lai manu'u winalanganna tawe sumutta sulal᷊ummu paperetta apan uataingnga uasaruanna matane,

AMSAL 6:26

Wawine masandaga wotongnge waeṛṛannu aregan anna sanlama'a, arawe sussandaga ringannu awingngu taumata waine ṛinone waeṛṛannu niawa.

AMSAL 6:32

Arawe ereapate su manga esakka apan sussandaga? I tou manggohakku watanganne sassane! Tumanitewen boddo i tou!

AMSAL 7:22

Ringannu tawe naṛṛingidda i tou nallaṛṛenggente wawine udde ere sapi apan niapidda sutampan pamamototanna wuṛṛu ere taumatan ṛuumanna apan niapidda manarimmattu ṛuumanna apan buatte nisaddian taumata woddo;

MANNANASE 7:26

I ya'u naasingkatta manungku wawine mappettana wuassu papate. Darangngun bawine ere soma wuṛṛu sedda apan nariahite manemetta pabbawiakke. Laṛṛa'umme ere tal᷊i apan uaṛṛapussa masagadda. Taumata apan mappaamattu apulun Duata mal᷊iu wuassu seddane, arawe taumata marosa sarun asametanne.