AMSAL 6:23 - WUKE SUSI WATTI'U AL᷊AL᷊USASSA

²³ Manga tatantiron hagurangngu naal᷊ihidda sol᷊o apan masemakka; tataghun mangitou mannantiro si'o su lal᷊annu pabbiaṛṛanna apan mapia.

AMSAL 6:23 Referans Kwoze

DARALO 119:105

Ṛengetan-Nu uddewe sasol᷊oanna su lempangku, semakka ipangngututta amatangku.

2 PETRUS 1:19

Ana waugu udde i yami lembon mangngimanna lai tanatan Duata apan ipaasingkatu manga nabi. Mappianne i yamiu mangngimanna tanata udde, ana waugu tanata udde ere sol᷊o apan mannemakka tampa marandumma madatingngu matannallo sumabbanga, wuṛṛu semakku aṛṛusuallo manemakka lal᷊ummu naungngu.

DARALO 19:8

Titan Mawu udde nasuungnga, maal᷊uassa ṛimuudda. Parentan Mawu udde wotongnge apangimananna, mangonggollu apande su taumata lal᷊ebone.

AMSAL 15:31

Taumata apan maddaringikka tatagu nareengnga taumata pande.

AMSAL 4:13

Paanaungete sidutu al᷊aṛṛa'a apan buatte nisengkammu wuassia'u. Pal᷊u'are udde mapia-pia, ana waugu ringannu al᷊aṛṛa'a udde pabbiaṛṛannu pia hessine.

AMSAL 4:4

i ya'u aaṛṛannu iamangku. I tou mabbisara, “Paanaungete manga tatantiro'u, imbaṛṛangnga i'o maabul᷊ine. Amata'e manga tatantiro'u tadea'u i'o sidutu mabbiakka su lal᷊umanna'a.

YEREMIA 21:8

Wua'udde Mawu nandolo'u nabbisara arendi lai su uman-Ne, “Paddaringikke, i Ya'u, Mawu, nangonggolla si yamiu sambau iapapile: lal᷊anna apan mattuddan pabbiaṛṛanna, ara'e lal᷊anna apan mattudan papate.

AMSAL 29:15

Tatantiro wuṛṛu tatagu maapande taumata. Ana'a apan sidutu babbatu'anna apulune sarun mamansili inangngene.

AMSAL 15:24

Taumata pande u'amatta su lal᷊anna sussa'a apan mattudan pabbiaṛṛanna; wal᷊ine lal᷊anna sussossokka apan mattuddan papate.

DARALO 141:5

Amungkangu pia sangkatou taumata mapia mamo'a si ya'u, wuṛṛu ringannu naungnga mawawo mangaṛa'a si ya'u, udde naal᷊ihidda lana apan apianne si ya'u. Antimanna i ya'u tawe manola'a, ana waugu i ya'u sidutu u'al᷊iomanna mannal᷊are al᷊al᷊eon mangitou.

SONDAPPA 2:5

Ana waugu udde, paanaungete tumaniten marau i yamiu nanawo! Awal᷊ute wuassu manga rosanu, wuṛṛu pa'ola'e ere inolaanni yamiu rorone. Amungkangu tawe, ne i Ya'u sarun rumanta ringanni yamiu wuṛṛu manawutta leddan sol᷊onu udde wuassu tampane.

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

AMSAL 3:18

Taumata apan uaagassa matohassa su asingkatta sarun mabbiakka tutune wuṛṛu su lal᷊umanna'a.

AMSAL 5:12

Wua'udde i'o sarun mabbisara, “Ah, anio ia'i maddantinnu tatantiro? Anio i ya'u maddiri tagguanna?

IMAMATTA 19:17

Imbaṛṛangnga mangune su saruanni sai-sai. Insuete pabbawawul᷊onu ringannu al᷊awo'u taumata, tadea'u i yamiu tawe marosa ana waugu taumata waine.

PANDARIADDI 39:8

I Yusuf madiri wuṛṛu nabbisara si tou, “Arie pa'asa'u i Mama, i tuanga i Potifar buatte nanantillu al᷊awo'u darotongnge si ya'u. I tou tate maṛṛingiddu manga apa su wal᷊en indi.

DARALO 119:130

Napawe ital᷊a'a, al᷊aṛṛang-Ngu mangngonggolu asasemakka, mangonggolu pasasunna su taumata wiasa.

AMSAL 10:17

Isai apan maddaringikka tatagu sarun mabbiakka su lal᷊umanna'a, isai apan maddiri manga'u pasasal᷊ane i tou sulal᷊umpen asasilaka.

MANNANASE 7:5

Mappianne tagguannu taumata apan pia budine, wuassu raloannu taumata apan masahadda massunna.

MANNANASE 7:26

I ya'u naasingkatta manungku wawine mappettana wuassu papate. Darangngun bawine ere soma wuṛṛu sedda apan nariahite manemetta pabbawiakke. Laṛṛa'umme ere tal᷊i apan uaṛṛapussa masagadda. Taumata apan mappaamattu apulun Duata mal᷊iu wuassu seddane, arawe taumata marosa sarun asametanne.

YEHEZKIEL 20:11

Poiaroddi Ta'u nionggolla si mangitou manga parenta-U wuṛṛu Ta'u niaṛṛaannu manga tita-U apan ṛinone tuṛṛutanni mangitou, ana waugu taumata apan tuttuṛṛuta sidutu sarun wiakka.