AMSAL 6:12 - WUKE SUSI WATTI'U AL᷊AL᷊USASSA

¹² Taumata lal᷊eo wuṛṛu tawe atoranne mammahia su anambon tampa.

AMSAL 6:12 Referans Kwoze

MATIUS 12:34

I yamiu taumata lal᷊eo, ereapa wotongnge i yamiu maasaggon al᷊awo'u inolaanna apan mapia amungkangngu i yamiu lal᷊eo? Apa apan niwisara moṛṛongnga udde sinumabangnga wuassu lal᷊ummu naungnga!

AMSAL 16:27

Taumata lal᷊eo maddea'a manilaka sansul᷊ungnge; manga wisarane lal᷊eo naal᷊ihidda waṛṛan putungnga.

AMSAL 4:24

Imbaṛṛangnga saran paassa mabbisara tawe suṛṛinone. Paaraua'e manga wisara wahia wuṛṛu manga wisara apan pandumanne i pangngil᷊iwun taumata.

1 TIMOTIUS 5:13

See lai i mangitou mangke manggolo'a allo uawal᷊el᷊enganna sussutta su wal᷊en taumata. Wuṛṛu aral᷊eoanne lai eteudde i mangitou mandal᷊eo arannu taumata waine wuṛṛu sussutta su hatton taumata waine see uahahatton manga inolaanna apan tawe ṛinone ipagahatto.

WATTI'U MANGA RASUL 20:30

Ewe'e wuassu wallattu manga tuṛṛangnga sassane lai sarun lumapputa manga taumata apan sarun mabatti'u watti'a awusu. I mangitou ma'ola'a aroddi, tadea'u manga taumata apan nangngimante Mawu Yesus umal᷊iwu wuṛṛu tumantalongke si mangitou.

AMSAL 17:4

Taumata lal᷊eo tuttuṛṛutta manga tatantiro apan dal᷊eo, taṛṛa awusu mappulu maddaringikka manga wisara aal᷊uandaga.

AMSAL 8:13

Mangaddatta Mawu atappasanne maddantinnu al᷊al᷊eo; i ya'u maddirin awawunga wuṛṛu atatanggakka. I ya'u maddantinnu pallal᷊agu apan dal᷊eo wuṛṛu manga wisara apan awusu.

DARALO 59:7

Sutempo wawallo i mangitou nabbelenga, tuttawanna naal᷊ihidda asu lapiddu mammal᷊iwutta soa.

YAKOBUS 3:6

Lila nassul᷊ungu putungnga. Su wadangi ite, i tou naola'a punnu al᷊al᷊eo apan mannal᷊iawukku al᷊al᷊eo su ahewallu wadangi ite. Ringannu putungnga apan darantane wuassu naraka, i tou nanutungnga ahewallu wiakki ite.

AMSAL 11:6

Taumata matul᷊idda masal᷊amatta ana waugu asasaṛṛionto'u naungnge; taumata apan tawe apangimananna, mawontolla su awawal᷊iune.

AMSAL 6:14

Ṛingiranne apan mawukku'a napenen ṛiinna lal᷊eo wuṛṛu mamonsen patatiakka su al᷊awo'u tampa.

AMSAL 2:12

see lai maningaddu mallaṛṛenggenna lal᷊annu wiakka apan suṛṛinone, wuṛṛu lai mangindaun batangannu wuassu manga taumata apan moṛṛongnge lal᷊eo.

DARALO 36:3

I tou uapendamma watanganne atohasanne, na'oman sara tawe maatutukka pasasal᷊ane, wuṛṛu tawe mabbinsine.

DARALO 10:7

I tou sidutu mammontoga, mammansaga wuṛṛu mammahia, manga wisarane napenen ararantinna wuṛṛu al᷊al᷊eo.

DARALO 10:3

Taumata lal᷊eo tuttal᷊umama apulun taumata lal᷊eo, taumata wal᷊iu mantal᷊a wuṛṛu mannol᷊a'u Mawu.

YAKOBUS 1:21

Ana waugu udde, rammea'e al᷊awo'u inanaramanna apan nallal᷊uhuranna wuṛṛu lal᷊eo. Sengkampe ringannu awawawo naungnga wisara apan nisuannu Ruata sulal᷊ummu naungngu, ana waugu wisara udde pia taṛṛinone manal᷊amatta si yamiu.

YEREMIA 24:2

So'anna paarorone lal᷊oṛṛuannu wuan ara apan apianne, ere wuan ara wua paarorone, ewe'e so'anna aruane lal᷊oṛṛoannu wuan ara apan mawukku'e, na'oman sara tawe iaanna.

1 SAMUEL 17:28

I Eliab iaangngi Daud pahul᷊une naaringikka i Daud uahahatton manga tantara. I tou mangke nasa'u si Daud wuṛṛu nabbisara, “Anio i'o nirumanta inawarendi? Isai buatte nirolokku niapapaddul᷊i manga pira dombanu mbau udde su wadda'a? I ya'u masingkatta, i'o maiellegu awawaṛṛaninu; darantanu inawarendi tumba'u ma'ellega pangalo?”

AMSAL 10:32

Manga wisaran taumata masaṛṛionto'a maal᷊uassa naungnga; manga wisaran taumata lal᷊eo sidutu maataddu'a naungnga.

DARALO 101:3

al᷊al᷊eo tawe ta'u iwala. Ta'u ipaddantinna pallal᷊aghun taumata apekka, wuṛṛu maddirite masasangkapia mangitou.

AMSAL 3:32

Waugu, Mawu maddantinnu taumata apan ma'ola'a al᷊al᷊eo, arawe i Tou uaaukku taumata apan biakke matul᷊idda.

AMSAL 16:30

Paatehamma su taumata apan umamminna wuṛṛu u'angkeramma, i tou tantal᷊anna manggol᷊agu al᷊al᷊eo sulal᷊ummu naungnge.