AMSAL 4:24 - WUKE SUSI WATTI'U AL᷊AL᷊USASSA

²⁴ Imbaṛṛangnga saran paassa mabbisara tawe suṛṛinone. Paaraua'e manga wisara wahia wuṛṛu manga wisara apan pandumanne i pangngil᷊iwun taumata.

AMSAL 4:24 Referans Kwoze

YAKOBUS 1:26

Amungkangu pia sangkatou mammendama watanganne sangkatou apan matuṛṛutta su agama, arawe i tou tawe maariagga lilane, ne i tou nangawusu watanganne sassane; patataṛṛamawune tawe gunane.

AMSAL 8:8

Manga wisara'u matul᷊idda abbi, tawe saran sangkapaddi apan wengkolla ara'e nassal᷊a.

YAKOBUS 1:21

Ana waugu udde, rammea'e al᷊awo'u inanaramanna apan nallal᷊uhuranna wuṛṛu lal᷊eo. Sengkampe ringannu awawawo naungnga wisara apan nisuannu Ruata sulal᷊ummu naungngu, ana waugu wisara udde pia taṛṛinone manal᷊amatta si yamiu.

AMSAL 8:13

Mangaddatta Mawu atappasanne maddantinnu al᷊al᷊eo; i ya'u maddirin awawunga wuṛṛu atatanggakka. I ya'u maddantinnu pallal᷊agu apan dal᷊eo wuṛṛu manga wisara apan awusu.

1 PETRUS 2:1

Ana waugu udde, rammea'e wuassu ririnu al᷊awo'u al᷊al᷊eo; ariete lai pamahia, wuṛṛu arie pallilangkamal᷊e'a. Ariete mannaungnga lal᷊eo, wuṛṛu arie pangngadio'a taumata waine.

AMSAL 6:12

Taumata lal᷊eo wuṛṛu tawe atoranne mammahia su anambon tampa.

1 TIMOTIUS 6:5

wuṛṛu pasase'etta apan tawe masue. Lal᷊annu ṛingiddu manga taumata udde nial᷊iwunete wuṛṛu nassal᷊ate. I mangitou massunna manungku wotongnge maala wuassu agama.

KOLOSE 3:8

Arawe orassa indi ṛinone i yamiu mandammem manga inolaanna lal᷊eo wuassu ririnu; ariete masa'u, ara'e mandona ara'e pia naungnga maddintinu taumata waine. Arie saran paassa sumabangnga wuassu moṛṛongu manga wisara lal᷊ela ara'e wisara apan lal᷊eo.

YEHEZKIEL 18:31

Addoa'e al᷊awo'u al᷊al᷊eo apan niola'i yamiu wuṛṛu wala'e naungnga wuṛṛu ṛingirannu mabbal᷊i wakku. Anio i yamiu ṛinone mate?

AMSAL 17:20

Sangkatou taṛṛa l᷊inga tawe lumuassa, taumata ringannu lilangkamal᷊e'a sarun maasomba silaka.

AYUB 11:14

Rammea'e rosa wuassu naungngu wuṛṛu paaraua'e al᷊al᷊eo wuassu wal᷊enu!

AMSAL 4:25

Ṛinone hatinu mammasilon atatul᷊iddu naungngu; tawe ṛinone paṛṛimaunanapa ereola'u pia sampu su samba'an batu.

AMSAL 10:32

Manga wisaran taumata masaṛṛionto'a maal᷊uassa naungnga; manga wisaran taumata lal᷊eo sidutu maataddu'a naungnga.

AMSAL 19:1

Mapianne taumata asiangnga apan mabbiakka matul᷊idda, wuassu taumata woddo apan apulune mammahia.

DARALO 34:14

Arie mapasabbangu manga wisara lal᷊eo, wuṛṛu imbaṛṛangnga maapulu mallinga mammahia.