AMSAL 4:18 - WUKE SUSI WATTI'U AL᷊AL᷊USASSA

^18-19 Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

AMSAL 4:18 Referans Kwoze

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

AYUB 11:17

Pabbiaṛṛannu sarun maola'a massemaṛṛanna wuassu allattune, wuṛṛu manga tempo marandumma sulal᷊ummu pabbiaṛṛannu asasemmake ere marua allo.

DANIEL 12:3

Manga piaṛṛa'a apan pande sarun lumansiangnga ere semakku langitta. Wuṛṛu i mangitou apan buatte nanantiro manambo taumata tadea'u ma'ola'a apapia wuṛṛu atatul᷊idda, sarun lumansiangnga ere manga anumpitanna saran mal᷊annu-l᷊annu.”

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.

FILIPI 2:15

Ringannu aroddi yamiu mapaal᷊iatta'a manungku eteudde i yamiu al᷊aṛṛana'u Ruata apan tawe angngone, mabbiakka ringannu matul᷊ida wuṛṛu naṛṛino su pattangnganu taumata lal᷊eo wuṛṛu marosa. Wuṛṛu su tempo i yamiu namasingkata si mangitou watti'a apan mangngonggolu wiakka, ṛinone i yamiu maola'a ere semakka apan lullansiangnga mannemakka runia. Amungkangu i yamiu mabbiakka ereudde, ne i ya'u pia pangiananne maapendamma al᷊al᷊uassa su ola'i yamiu su tempo Mawu Yesus rumanta apia. Udde maola'a tatialane manungku manara'u pia gunane wuṛṛu pia gessine.

2 PETRUS 1:19

Ana waugu udde i yami lembon mangngimanna lai tanatan Duata apan ipaasingkatu manga nabi. Mappianne i yamiu mangngimanna tanata udde, ana waugu tanata udde ere sol᷊o apan mannemakka tampa marandumma madatingngu matannallo sumabbanga, wuṛṛu semakku aṛṛusuallo manemakka lal᷊ummu naungngu.

MATIUS 5:16

Aroddi lai asasemakku ṛinone lai lumansiangnga su saruannu taumata, tadea'u i mangitou maasilo al᷊awo'u pallal᷊agunu apan mapia, wua'udde padalote Ruata su surga.”

MATIUS 5:14

Ete i yamiu uddewe asasemakku runia. Soa apan uaaddo su wuidda tawe iawuni.

DARALO 84:7

Tantal᷊anna i mangitou u'amatta su wawal᷊annu Baka, tampa udde niwal᷊un mangitou nabbal᷊i al᷊imatan kua'e, uranna paarorone nangonggolu al᷊amatta.

YESAYA 26:7

Taumata mapia su lal᷊anna matul᷊idda, ana waugu I'o, Mawu, namu'a lal᷊anni mangitou.

2 SAMUEL 23:4

I Tou naal᷊ihidda semakku matannallo lullansiangnga sutempo marua'allo napawe langitta matilangnga. I Tou naal᷊ihidda semakku matannallo napawe wua nanguranna napangelomma nannal᷊o maṛṛansangnga lullendappa.”

SONDAPPA 22:5

I mangitou tate mappandumma sol᷊o ara'e semakku matannallo, ana waugu tate ṛabbi lai, wuṛṛu Mawu Ruata sassane sarun manemakka si mangitou. Ne i mangitou sarun mamarenta ere sangkatou ratu saran mal᷊annu-l᷊annu.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

AYUB 23:10

Arawe i Tou masingkattu anambon dal᷊angku wuṛṛu suapan lempangku. Amungkangngu ere wul᷊awanna i ya'u iannamma, sarun asingkattanna manungku naungku waresi.

MATIUS 5:45

tadea'u i yamiu maola'a al᷊aṛṛana'u Iamangngi yamiu su surga. Ana waugu Ruata mapasabangngu matannallo su taumata apan mapia, wuṛṛu su taumata apan dal᷊eo lai. I tou napa'uranna su taumata apan ma'ola'a apapia wuṛṛu su taumata apan ma'ola'a al᷊al᷊eo lai.

AYUB 17:9

Taumata mapia wuṛṛu tawe sal᷊ane, mangke mangngimanna ola'u wiakka apan ipaapulun Duata.

DARALO 97:11

Semakka nilumapputte su taumata apan naungnge matul᷊idda, wuṛṛu lal᷊uassa su taumata apan mabbiakka su ṛinone.

AMSAL 2:9

Amungkangu i'o matuṛṛutta si ya'u, ana'u, i'o sarun maasingkatta sarangkanambone apan matul᷊idda, tawe awusune wuṛṛu mapia. I'o lai sarun maasingkatta ereapa lal᷊anne i'o mabbiakka.

AMSAL 2:20

Ana waugu udde, ana'u, pangaṛṛusse tul᷊addan taumata mapia, wuṛṛu pabbiakke ere su apulun Duata.

AMSAL 13:9

Taumata susi naal᷊ihidda semakka lullansiangnga; taumata lal᷊eo naal᷊ihidda sol᷊o nappadumma.

AMSAL 15:24

Taumata pande u'amatta su lal᷊anna sussa'a apan mattudan pabbiaṛṛanna; wal᷊ine lal᷊anna sussossokka apan mattuddan papate.

MAL᷊AṚṚUUNGNGA 5:31

Antimanna manga seen-Nu, oh Mawu, mate ere i Sisera, arawe anambon manga hawe-Nu mabbal᷊i wahewalla naal᷊ihidda matannallo su winalanganna! Wua'udde, wanua udde matammude appatu pul᷊o su tonnane al᷊annune.