AMSAL 31:5 - WUKE SUSI WATTI'U AL᷊AL᷊USASSA

⁵ Ana waugu, amungkangngu ratu ma'inumma ua'e maawu'anna, i tou naabul᷊iten tita wuṛṛu tate maddaringikka taumata lal᷊ebbone.

AMSAL 31:5 Referans Kwoze

HABAKUK 2:5

Paa'ala udde sidutu mammahia taumata. Taumata wal᷊iu udde mawunga wuṛṛu sussinggawangnga. Naal᷊ihidda papate, i tou lai tawe mawusa; walahanna passambau mangke aaṛṛoanne.

SASABANGNGA 23:6

Ola'e taumata asiangnga ringannu atatul᷊idda amungkangngu i tou rumanta mangapiddu hattone su mallaṛṛuungnga.

IMAMATTA 10:9

“Napawe buatte na'inumma ua'e anggore ara'e ua'e ma'awu'anna, i'o wuṛṛu manga anangngu imbaṛṛangnga sumutta sulal᷊ummu Rasang-Ku. Amungkangngu i yamiu lumawangnga atoranna udde, i yamiu sarun mate. Parenta udde sarun daringiṛṛannu anambon papapulunnu.

TAHIUL᷊E 16:19

Sulal᷊ummu makkawessu hatto, i mangitou tawe wotongnge walate apulu mapaasal᷊a ara'e mangempen samba'a. I mangitou lai tawe wotongnge manengkamma roitta, ana waugu roitta udde maawuta taumata, ewe'e lai su taumata pande wuṛṛu matul᷊idda, na'oman sara i mangitou makkawessu hatto tawe su atatul᷊idda.

1 MARARATU 20:12

Sasimbakki Ahab udde niapasingkatta si Benhadad sutempo i tou suaddio'a ringannu manga ratu waine apan naola'a hawene ma'inumma sulal᷊ummu rasanni mangitou. Naaringikka udde i Benhadad namarenta manga piaṛṛa'u tantarane tadea'u nandiahite mamangalo soan Samaria. Ne i mangitou nandiahite.

AMSAL 17:15

Taumata maddantinnu taumata apan mappaṛṛinon taumata lal᷊eo, wuṛṛu mapasal᷊an taumata apan tawe sal᷊ane.

AMSAL 18:5

Dal᷊eo manamba'a taumata lal᷊eo wuṛṛu mangallangnga taumata tawe sal᷊ane.

YESAYA 5:22

Nasilakate i yamiu apan pande ma'inumma anggore! I yamiu apan waṛṛani wuṛṛu pande mallo'an ua'e ma'awu'anna!

YESAYA 5:23

Arawe tumba'u ana see maasomba roitta sasoggokka, i yamiu namallossu taumata nassal᷊a, wuṛṛu mammal᷊aatta taumata tawe sal᷊ane apan maddea'a atatul᷊idda.