AMSAL 31:26 - WUKE SUSI WATTI'U AL᷊AL᷊USASSA

²⁶ Ringannu masaṛṛionto'a i tou mabbisara; manga wisarane maarega.

AMSAL 31:26 Referans Kwoze

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

AMSAL 16:24

Wisara masaṛṛionto'a naal᷊ihidda pul᷊a; temangnge manenengnga wuṛṛu maapia waddangnga.

AMSAL 10:31

Taumata masaṛṛionto'a mabbisaran manga wisaran apande; taumata lal᷊eo sarun ihanggumma moṛṛongnge.

AMSAL 12:18

Walate wisarane wotongnge maal᷊essa naungnga ere niusu'u hal᷊ele; manga wisaran pande naal᷊ihidda undamma apan maapia.

KOLOSE 4:5

Sulal᷊ummu paa'aukki yamiu ringannu manga taumata apan tawe mangngimanna, ṛinone i yamiu mabbiakka su atatul᷊idda wuṛṛu mappa'attu al᷊awo'u tempo mapia udde, ringannu mapia-pia.

AMSAL 25:15

Asasabbare apan rarundinganannu manga wisara masaṛionto'a wotongnge apangimanannu taumata apan uataṛṛino, wuṛṛu makkimunsa'a anambon lumal᷊awangnga.

1 PETRUS 3:1

Aroddi lai yamiu, manga awingnga wawine, ṛinone tumuṛṛutta su awingngu tadea'u amungkangu su wallatti mangitou apan piaddu tawe mangngimanna watti'u Ruata, ete pallal᷊agunu wotongnge ma'ola'a si mangitou mangngimanna. Wuṛṛu tawe wotonge i yamiu mabbisaran apa-apa si mangitou,

MALEAKHI 2:6

I mangitou mangnggaṛṛa'a ringannu naṛṛino wuṛṛu wal᷊ine apan nassal᷊a. I mangitou marani-U, wuṛṛu ringannu atatul᷊idda tuttaṛṛutta apulu-U. I mangitou lai mantul᷊ungngu manambo taumata tadea'u tate lai ma'ola'a al᷊al᷊eo.

MAL᷊AṚṚUUNGNGA 13:23

Awingnge sinumimbakka, “Amungkangu Mawu maapulu mamate si ite, i Tou maddiri manengkamma sasamba apan nionggoli ite i Tou udde; i Tou lai tawe mapal᷊iatta'u sarangkanambone indi si ite ara'e mamasingkattu manga inolaanna udde si ite.”

ESTER 5:8

“Amungkangngu Tuangnga mal᷊uassa manuungngu sasal᷊anden allangnga, ṛinone Tuangnga wuṛṛu Haman rumanta apia su sal᷊iwangnga apan olaannu allangnga tiṛṛabbi ṛabbi. Mantewe su sal᷊iwangnga udde allangnga mangapiddu darorongngu allangnga si Tuangnga.”

WATTI'U MANGA RASUL 18:26

Ringannu waṛṛani i Apolos nanattakke massinaukka su wal᷊em pattataṛṛamawuanna wuṛṛu su tempo i Priskila wuṛṛu i Akwila naaringikka al᷊aṛṛangnge, i mangitou nangapiddi tou su wal᷊e. Poiaroddi i mangitou mannal᷊a'a ringannu mapia si tou su ola'u pandumannu Ruata manal᷊amatta taumata sulal᷊ummu Mawu Yesus.

WATTI'U MANGA RASUL 6:15

Awada'alla apan uasemodda sulal᷊ummu ammul᷊annu Mallaṛṛuungngu Agama udde nanutudda si Stefanus. Wuṛṛu su tempo udde hatin Stefanus aellehanna naal᷊ihidda hati mala'ekatta.

LUKAS 1:38

See i Maria nabbisara, “I ya'u indi allangngu Mawu; ariaddite si ya'u su ereapa suete niwisaranu.” See mala'ekatta udde nanantangke Maria.

ANTARI MAWANTUGA 4:11

Mapia manga wisaranu, pare'u, naal᷊ihidda pul᷊a tutune wuṛṛu susu. Laungngu awangngine ere Wowon Libanon.

ANTARI MAWANTUGA 2:14

O merpati'u su manga wallattu watu su pa'imbuniannu wawal᷊anne pia rampissa, wala'e i ya'u ma'ellega hatinu, wuṛṛu maddaringikka tingikku, ana waugu hatinu maṛṛamaga, tingikku matelengnga.

ESTER 4:4

Sutempo manga maṛṛuala wuṛṛu manga mamanara apianne apan mangngimbe si Wo'i Ester namasingkatta si tou apa apan tantal᷊anna a'olanni Mordekhai, Ester mangke nasusa atonna. I tou nangirimmu laubba si Mordekhai, Ester mangke nasusa. I tou nangirimmu laubba si Mordekhai ipangganti laubba karongnga udde, arawe Mordekhai maddiri manengkamma.

AMSAL 31:27

I tou sidutu maṛṛimadda mammanara wuṛṛu ma'ellega aurangannu lal᷊oṛṛon bal᷊ene.

AMSAL 19:14

Wal᷊en wuṛṛu darotongnga wotongnge asombanganna wuassu hagurangnga, arawe awingnga apa pande udde aonggollu Mawu.