AMSAL 30:9 - WUKE SUSI WATTI'U AL᷊AL᷊USASSA

⁹ Ana waugu, amungkangngu i ya'u ala, asinungka i ya'u sarun mabbisara manungku i ya'u tate mappandumma si'o. Wuṛṛu napawe i ya'u asiangnga, asinungka i ya'u sarun manna'o ma'oman sara mandal᷊eote aran-Nu.”

AMSAL 30:9 Referans Kwoze

HOSEA 13:6

Arawe napawe i yamiu uatane'e su wanua apan mapia, wuṛṛu i yamiu nal᷊aidda see naapendamma mal᷊uassa, i yamiu nabbal᷊i mawunga see naabuli-U.

TAHIUL᷊E 31:20

I mangitou sarun Ta'u iapidda watukku wanua apan ala wuṛṛu masuwukka, ere buatte Ta'u pina'ire su iupungngu al᷊amonan mangitou. Isudde i mangitou sarun mabbiakka ringannu mal᷊uassa wuṛṛu maasomba al᷊awo'u anna apan pappandumanni mangitou. Arawe wua'udde i mangitou sarun tumal᷊iudda wuṛṛu massubba manga Mawu waine. I Ya'u sarun itol᷊a'i mangitou wuṛṛu lumawangnga paaire-U,

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

YEREMIA 2:31

Ei umattu Israel, paddaringikke manga wisara-U indi. Apa i Ya'u buatte na'ola'a Israel ere wadda'u anne su saruanni yamiu ara'e leta'a apan wasa tuudda? Arawe anio i yamiu mabbisara manungku i yamiu mappulu mapallossa, wuṛṛu maddirite mabelengnga ringang-Ku?

SASABANGNGA 20:7

Imbaṛṛangnga managon arang-Ku walate asagone, ana waugu i Ya'u, Ruatanu, makkuumanni sai-sai apan walate assagoneng arang-Ku.

MATIUS 26:74

See i Petrus nanattakke mangke massalu wuṛṛu mabbisara, “I ya'u waggan taumata udde!” Orassa udde lai manu'a inumuute.

MATIUS 26:72

See i Petrus nassinaadde apia, wuṛṛu nassalu. “Atonna-tonna ya'u waggan taumata udde!” unni Petrus.

YOSUA 24:27

Wua'udde i Yosua nabbisarate anambon taumata udde, “Watu indi maola'a tialan kite. Anambon bisara apan niwisaran Mawu si ite, buatte niwisara su saruannu watu indi. Nariadi ete watu indi apan maola'a tiala su saruanni yamiu, mapaanaungngi yamiu tadea'u tawe lumawanna Ruatanu.”

AMSAL 29:24

Taumata apan mammanara suadio'a ringannu manana'o, atappasanne mabbinsin batanganne sassane. Amungkangngu i tou mabbati'a atonna su pallaṛṛuunganna, i tou sarun iṛṛuumanna. Arawe amungkangngu i tou sidutu mal᷊annabba, i tou sarun aṛṛinoannu wawontogu Ruata.

IMAMATTA 5:1

Sasamba ipangampungnga rosa ṛinone ionggola; Amungkangngu pia sangkatou taumata ringannu atonna niroronganna massakassi su mallaṛṛuungnga, arawe tawe nanal᷊a'an sarangkanambone apan buatte niasiloanna ara'e niaringiṛṛanne, na'oman sara i tou sarun mamasanna passasala udde.

SASABANGNGA 5:2

“Isai Mawu udde?” aiwal᷊on datu. “Anio i ya'u mangaddata si Tou wuṛṛu mamalan balahannu Israel mapul᷊e? I Ya'u wagga Mawu udde, wuṛṛu taumatan Israel tawe ta'u iwala mapul᷊e.”

DANIEL 4:30

i ya'u nabbisara, “Pa'ellege, apiawe eteapa soa Babel! Eta i ya'u apan na'ola'a nabbal᷊i inangngu araratuanna ipammasingkattu taṛṛino wuṛṛu atatoha'u, awawantuga wuṛṛu atatelengku!”

DANIEL 4:17

Eteudde inaappuanni yami manga mala'ekatta apan uasaddia wuṛṛu uatehamma. Pandumannu Ruata Apan Atanggaṛṛanne uataṛṛino araratuannu taumata wuṛṛu i Tou apan nangonggollu araratuanna udde su anambon taumata apan nipile-Ne, ewe'e lai su taumata apan tawe gunane saran addio'a.’

DARALO 125:3

Taumata lal᷊eo sarun sidutu uataṛṛino su leta'a pussa'an taumata matul᷊idda, tadea'u taumata mapia tawe lai ma'ola'a al᷊al᷊eo.

YESAYA 59:13

I yami buatte nassinaadda wuṛṛu nilumawangnga Mawu, wuṛṛu maddiri tumantalongnga Ruatang kami. I yami buatte nangallangnga taumata waine wuṛṛu sinumewadde; ṛingiranni yami niumal᷊iwu, wuṛṛu manga wisaran kami awusu.

YEREMIA 5:12

Umattu Mawu maggahatton apa apan tawe suṛṛinone su ola'u Mawu. I mangitou nabbisara, “Eh, i Tou tawe ma'aola'a apa-apa. I ite tawe aṛṛiaannu asasilaka wuṛṛu tawe lai maapendamma pangalo wuṛṛu ṛutumma.

YEHEZKIEL 23:35

Mawu Apan Atanggaṛṛanne nabbisara, “Ana waugu i'o na'abbul᷊ite si Ya'u wuṛṛu tinumal᷊iudda si Ya'u, i'o sarun matataṛṛangnga pangillul᷊eannu apulun badangngu wuṛṛu sasandagu.”