AMSAL 30:5 - WUKE SUSI WATTI'U AL᷊AL᷊USASSA

⁵ Ruata nanipussu suapan paaire-Ne. I tou naal᷊ihidda allungnga su sarangkanambone apan uatillumma si Tou.

AMSAL 30:5 Referans Kwoze

DARALO 18:30

I'o nanohassa si ya'u ipaṛṛadda'a seetta; ringannu sasumbalan Ruata'u i ya'u nanggohakku pattillumanni mangitou.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

DARALO 12:6

Wisaran Mawu, “Taumata asiangnga a'umpisananna wuṛṛu taumata susa sussal᷊iomanna. Ne orassa udde lai i Ya'u rumanta mangonggolu langnganna apan aantimanni mangitou.”

DARALO 3:3

Manambo lai mabbisara manungku Ruata tate mantul᷊ungku.

DARALO 119:140

Paaire-Nu matohassa wuṛṛu apangimananna, i ya'u tumaniten marangngu.

DARALO 91:2

wotongnge mabbisara su Mawu, “Ete I'o mangangambangku wuṛṛu mandariaga'u, Ruata'u, tumba'u Si'o i ya'u mangimanna.”

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

ROMA 7:12

Titan agama udde wuassu Ruata, wuṛṛu al᷊awo'u parenta sulal᷊ummu tita udde nirumanta wuassu Ruata, aroddi atul᷊ide wuṛṛu apiane.

DARALO 144:2

Ete i Tou matatul᷊ungku wuṛṛu mangangambangku, mananal᷊ama'u tampa i ya'u uasirungnga. I Tou mallal᷊ua'u, tampa tatal᷊angangku, manga walahanna niapasuṛubawa-Ne si ya'u.

DARALO 19:8

Titan Mawu udde nasuungnga, maal᷊uassa ṛimuudda. Parentan Mawu udde wotongnge apangimananna, mangonggollu apande su taumata lal᷊ebone.

2 SAMUEL 22:31

Inolaannu Ruata nasuungnga, paairen Mawu wotongnge apangimananna! I Tou naal᷊ihidda allungnga su sarangkanambone apan uasirungnga si Tou.

DARALO 18:2

I ya'u marangngu Si'o, oh Mawu, Ete I'o atatoha'u.

AMSAL 2:7

Su taumata apan matul᷊idda wuṛṛu tawe sangkulle, i Tou niumontolla wuṛṛu nanillumma.

DARALO 18:31

Inolaannu Ruata udde nasuungnga paairen Mawu udde apangimananna. I Tou naal᷊ihidda allungnga su anambon taumata apan uasirungnga si Tou.

AMSAL 29:25

Matta'uttu addapattu taumata, pangillul᷊eanne asasusa. Pangimante Mawu, ne i'o sarun matammudda.