AMSAL 3:6 - WUKE SUSI WATTI'U AL᷊AL᷊USASSA

⁶ Pannaungke Mawu sulal᷊ummu al᷊awo'u manaranu, ne i Tou sarun mamiaṛṛangngu lal᷊annu pabbiaṛṛanna apan mapia.

AMSAL 3:6 Referans Kwoze

AMSAL 16:3

Pangimana'e su Mawu anambon hol᷊agu, ne i'o sarun wotongnge maaola'a.

DARALO 32:8

Wisaran Mawu, “I ya'u sarun mamantingidu lal᷊anna apan amatannu, i'o sarun Ta'u ehetanna wuṛṛu Ta'u tantiroanna.

FILIPI 4:6

Arie paasinggawanga su ola'u manga apa. Sulal᷊ummu al᷊awo'u inolaanna, aal᷊iomante wuṛṛu paddorongke su Ruata. Apa apan ipaapulun kamiu, wal᷊oa'e udde sidutu su Ruata ringannu wisara aadiangkamanna.

AMSAL 16:9

Taumata wotongnge manggol᷊aga, arawe Ruata apan manantunnu lal᷊annu pabbiaṛṛanne.

YEREMIA 10:23

Mawu, i ya'u masingkatta tawe saran sangkatou apan maataṛṛino manantunnu nasimme ara'e mangul᷊inna lal᷊annu pabbiaṛṛanne.

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

YESAYA 30:21

Amungkangngu i yamiu sumewadda wuassu lal᷊anna, su liuddu sarun aringiṛṛanna tingik-Ke apan mabbisara, “Eteindi lal᷊anne; amatte su lal᷊anna indi.”

YESAYA 48:17

Wisaran Duata susi Israel, Mananal᷊amannu, “Ete i Ya'u Mawu Ruatanu, apan mangngaṛṛa'u apa apan mahuna si'o, wuṛṛu nangehetta si'o su lal᷊anna apan amatannu.

KOLOSE 3:23

Al᷊awo'u manara apan nionggolla si yamiu, ṛinone manaranni yamiu ringannu ahewallu naungnga, paṛṛimaunnapa eteudde Mawu apan a'imbeanni yamiu, wuṛṛu wal᷊ine tumba'u taumata.

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

AMSAL 23:17

Imbaṛṛangnga mannaungnga lal᷊eo su taumata marosa. Paatuṛṛutte sidutu su Ruata,

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

1 SAMUEL 30:8

Wua'udde i Daud naiwal᷊ote Mawu, “Ṛinonewe ya'u mangenggenna ammul᷊annu taumata namangalo udde? Wotongngewe ya'u manantuṛṛutta si mangitou?” Mawu sinumimbakka, “Ore enggenete; i'o sarun maatantuṛṛutta si mangitou wuṛṛu maapallossu manga taumata apan nisametti mangitou.”

YESAYA 45:13

Ete i Ya'u apan nangal᷊oren Kores iapaamattu pandumang-Ku wuṛṛu mamasi'u atatul᷊idda. I Ya'u apan sarun maparatakku anambon dal᷊anna apan amatanne. I tou sarun mapararisikku api soa-U Yerusalem wuṛṛu mamallossu uma-U apan niatawanna, ringannu tawe doitta nionggolla wuṛṛu tawe bawaekke.” Mawu Apan Lembontaṛṛino buatte nabbisara.

NEHEMIA 1:11

Daringiṛṛewe aal᷊iomannu anambon allang-Ngu apan waine, apan mappulu mangaddatta Si'o. Onggol᷊aawe tul᷊ungan-Nu tadea'u su allo indi allang-Ngu indi maasomba darangngu wuassu ratu.” Sutempo udde i ya'u mammanara mangngimben ua'e ratu.

NEHEMIA 2:4

Ratu naiwal᷊o, “Nariaddi, apa apan ipaapulunu?” Sulal᷊ummu naungnga i ya'u u'al᷊iomanna su Ruata uataṛṛino su surga,

EZRA 7:27

Ana see Ezra nabbisara, “Paddalote Mawu, Ruata apan sassubbannu iupungngu al᷊amonan kite! I Tou buatte nangal᷊oren naungngu ratu na'oman sara i tou nangonggollu sasumbala pina'ola'a Wal᷊en Mawu su Yerusalem.

2 KORINTUS 8:16

Lembon maadiangkamanna i yami su Ruata ana waugu i Tou suete na'ola'a si Titus maṛṛimadda ere i yami mantul᷊ungngi yamiu.

REENGANNA 9:20

Arawe masokka lai tumba'u manga pira allo winabbawa su wowon Dasanna udde. Salaiwe ereapa lai, tumba'u parenta Mawu manantunni mangitou matana'a su sambau tampa ara'e mangingkatta.

NEHEMIA 7:5

Ana waugu udde Ruata nangonggollu ṛingiranna si ya'u tadea'u mangammullu tumana'a wuṛṛu manga piaṛṛa'a see tembonanne, tadea'u wotongnge mandeengngi mangitou ringannu pinangiananne wuassu wa'en mangitou. Su tempone udde buatte ta'u niasangkal᷊anna woṛṛetta su ola'u manga taumata apan paarorone nawelengnga wuassu pamamuanganna. Manansunna indi tal᷊aane apan ta'u niasombanganna wuassu woṛṛetta udde:

AMSAL 11:5

Lal᷊annu wiakku taumata mapia iratakku atatul᷊idda, arawe taumata lal᷊eo mangngapiddu watanganne su papate.

YEREMIA 42:3

tadea'u Mawu Ruata mapal᷊iatta'a si yami watukku apa ṛinone i yami inai wuṛṛu apa apan ṛinone manaranni yami.”

YESAYA 26:7

Taumata mapia su lal᷊anna matul᷊idda, ana waugu I'o, Mawu, namu'a lal᷊anni mangitou.