AMSAL 3:33 - WUKE SUSI WATTI'U AL᷊AL᷊USASSA

³³ Mawu mamontoga wal᷊en taumata lal᷊eo, arawe mangngal᷊amatta wal᷊en taumata apan matuṛṛutta si Tou.

AMSAL 3:33 Referans Kwoze

DARALO 37:22

Taumata apan nial᷊amatannu Mawu sarun manahuanna leta'a udde, arawe taumata apan niwontohan-Ne sarun limbuaṛṛanna.

MALEAKHI 2:2

Pangaddatte si Ya'u ringannu pallal᷊agunu. Amungkangngu i yamiu maddiri maddaringikka wisara-U, i yamiu sarun Ta'u wontohanna. Sarangkanambone apan sengkamanni yamiu ma'ola'a al᷊amatta sarun mawal᷊u mabbal᷊i wawontoga. Mangke atonna, sarangkanambone apan mapia udde buatte Ta'u niwontohanna, ana waugu i yamiu tawe maddaringikka parenta-U.

DARALO 91:10

Ne i'o tawe aṛṛiaannu asasilaka, wal᷊enu sarun tawe arantannu asasusa.

TAHIUL᷊E 7:26

Imbaṛṛangnga mangaddon sambau paal᷊uanna sulal᷊ummu wal᷊enu, tadea'u wontoga apan maṛṛia'a si tou tawe maṛṛia'a lai si yamiu. Olangnge udde ṛinone ia'atantinni yamiu wuṛṛu a'adio'a, ana waugu buatte niwontohannu Mawu Ruata.”

AMSAL 21:12

Ruata Apan Lembonmatul᷊idda masingkattu apa apan nariaddi sulal᷊ummu wal᷊en taumata lal᷊eo. I tou sarun mamontolli mangitou ma'oman sara nate.

DARALO 1:3

Taumata udde masomakka sulal᷊ummu al᷊awo'u pinitanne; i tou naal᷊ihidda aaluanna su winggin sal᷊ukka apan mabbua sutempone wuṛṛu ronganne tawe tumolangnga.

2 SAMUEL 6:11

Wantallu Pa'aire uaraddo isudde tallu wul᷊anna al᷊annune, ne Mawu nangal᷊amatta si Obed-Edom wuṛṛu amonanne.

YOSUA 7:13

Orassa indi darisikke, Yosua! Waresite naungngu taumatan Israel wuṛṛu doloṛṛa'e i mangitou pandiahi tiṛṛabbi, ana waugu i Ya'u Mawu Ruatan Israel sarun mamasingkattu indi si mangitou: ‘Ei manga taumatan Israel! Manga saranapa apan buatte Ta'u niapaatutunga si yamiu, sambageanganna udde ta'e pia si yamiu. Tantal᷊anna i yamiu taambe nandammen manga saranapa udde, i yamiu tawe aaroopa seetta!’

TAHIUL᷊E 11:28

Arawe i yamiu sarun bontohanna amungkangngu tawe tumuṛṛutta manga titan Mawu Ruatanu, ewe'e lai tinumal᷊iudda wuṛṛu nassubba paal᷊uanna apan taambe sinumabbanni yamiu.

YOSUA 6:18

Imbaṛṛanga manganu saran sambau wuassu anambon saranapa apan ṛinone ṛimunsaanna. Amungkangu i yamiu manganu, paddasanannu Israel sarun aṛṛiaannu asasilaka wuṛṛu asasusa.

AYUB 24:18

Wua'udde i Zofar nabbisara, “Taumata lal᷊eo nielekku manawangnga wahewalla, leta'a tatahuananne niwontohannu Ruata; waillu anggorene orassa indi mal᷊annabbe; tate lai mamamanara isudde.

AYUB 31:12

Rosa udde maapate ere putungngu naraka, sarangkanambone apan tatahuanangku nasue nisoṛṛobbe.

AMSAL 10:6

Taumata mapia sarun maasomba al᷊amatta. Araṛṛagissa uawuni sulal᷊ummu manga wisaran taumata lal᷊eo.

AMSAL 14:11

Wal᷊en taumata mapia sidutu matohassa; wal᷊en taumata lal᷊eo sarun maṛṛa'a.

AMSAL 15:6

Su wal᷊en taumata mapia pia manambo darotongnga; paa'alan taumata woddo nawul᷊in asasilaka.